Segun e ultimo prediccionnan di National Hurricane Center ( NHC) e tormenta tropical Erin lo sigui crece y pa diabierna of diasabra lo bira un horcan. Segun expertonan ta predeci cu e horcan lo yega categoria 3 den su maximo splendor. Su trayectoria ta siguiendo west, noord-west cu un velocidad di 17 miya pa ora y aunke e lo keda ariba awanan di e ocean Atlantico.
Tormenta tropical Erin por causa dañonan di biento y olanan fuerte pa e islanan ariba entre otro anguilla, sint maarten, saba, st barths, debi cu e lo pasa como un horcan categoria 2 panoord di e islanan menciona. Ta premira cu e forsa di biento lo sigui aumenta, esaki debi na e ocean cual su temperura ta cayente y esaki ta alimento pa horcan fortalece mas.
Aunke e horcan lo no tin un impacto directo ariba nos islanan Hulandes manera St Maarten, Saba y Statia, toch lo por tin un impacto di awasero pisa cu por causa ‘inundacion repentino’ conoci como (flash floods) of olanan halto cu por causa un impacto negativo ariba e islanan.
E inundacionnan repentino lo ta consecuencia di e banchinan di awasero ( rain-bands) cu ta nubianan cu ta wordo atrai na e centro horcan Erin. Poblacion di islanan ariba ta wordo encurasha pa sigui tur desaroyonan for di fuentenan oficial, ya cu tormenta tropical Erin, por trece daño di biento, lama bruto y hopi awasero den poco tempo. EA News lo keda atento na e informacionnan pa informa tur su lectornan.