Durante e tratamento parlamentario di e cuenta anual 2019 un cos a sali na cla: aunke FUTURO ya pa hopi aña a critica fuertemente e fayo structural di cuenta anual, e grupo aki mes no a haci niun palabra durante e debate.
FUTURO a presenta su mes repetidamente como un partido cu ta pone transparencia y responsabilidad financiero na prome luga. E acusacion contra Gabinete Wever Croes tabata cu e falta di cuenta anual na tempo ta contribui na mal gobernacion y falta di control di parlamento.
Sinembargo, ora cu e cuenta anual 2019 porfin tabata riba e agenda y tabatin un oportunidad exelente pa duna critika di contenido of haci preguntanan profundo, e fraccion a keda masha keto. Niun contribucion, niun pregunta, niun fundamento pa e critica cu nan ta haciendo pa añanan caba.
Segun diferente observador esaki ta mustra un contradiccion cla entre e retorica politico di FUTURO y e actitud real den parlamento. E ta lanta e pregunta si e partido ta enfoca mas riba profilacion politico cu riba un control serio di e maneho financiero di e pais.
Den un debate caminda mester ta trata di contenido corecto y evaluacion serio di cifranan di gobierno, e ausencia di e contribucion di FUTURO tabata un señal sobresaliente y poco convensi.
Press release: MEP