Riba djaweps 8 di yanüari 2026 e barku krusero Virgin Voyages a bin Boneiru pa promé
biaha. E barku ta hopi nobo, mas òf ménos un aña bieu, i el a trese 2500 pasahero pa nos isla.
Virgin Voyages ta un barku spesial pa hende adulto di 18 aña bai ariba. E barku ta lusi moderno i e ta
diferente for di hopi otro barku krusero. E kompania marítimo a bisa ku den futuro e barku lo regresá
Boneiru 2 òf 3 biaha mas.
Na yegada e kapitan a haña un kaluroso bon biní di parti di kapitan di haf Gunther Flanegin, Marlon
Bermudez na nòmber di diputado di turismo Anthony Weber i un representante di Tourism Corporation
Bonaire (TCB).
Boneiru ta kontentu ku e kolaborashon akí. E bishita di Virgin Voyages ta un indikashon ku kada biaha
nos isla ta bira mas importante pa kompanianan krusero. Esaki ta kontribuí na un bon desaroyo di
turismo na nos isla.
