Otmar Oduber a expresa su sincero agradecimiento na Ministro Wendrick Cecilia y ex Primer Ministro Mike Eman pa nan contribución na restauración di un monumento especial dedica na memoria di tur piscadonan cu a perde nan bida y na honor di nan famianan.
E monumento, cu ta representa un simbolo di recuerdo, respeto y solidaridad, ta reconoci e sacrificio di e piscadonan y e dolor cu nan famia a pasa a lo largo di añanan. Segun Oduber, e restauración no ta solamente un mehoracion fisico di e monumento, pero tambe un acto di reconociemento y aprecio pa un sector cu ta forma parti esencial di e historia y cultura di Aruba.
Oduber a destaca cu gracias na e colaboracion entre gobierno y liderato anterior, e monumento por sigui sirbi como un lugar di reflexion y homenaje pa e comunidat. El a subraya cu ta importante pa Aruba sigi honra esnan cu a kontribuí na e bienestar di e isla, aun despues di nan fayesimiento.
E restauración di e monumento ta un paso significativo pa preserva e memoria colectivo y pa fortalece e conexion entre e pasado, presente y futuro di Aruba.
