BonaireFeaturedInternacional

Gezaghèber ta reakshoná riba mensahe di menasa riba facebook

Gezaghebber Close Up Na Bc

A pone un pòst riba facebook ku menasa den direkshon di gezaghèber, diputadonan Kroon i Den Heyer i tambe e eks diputado i aktual lider di frakshon di MPB Tjin Asjoe.

‘Komo gezaghèber ku repudio mi a tuma nota di e pòst ku nan a pone den forma anónimo akí. Den e estado di derecho ku nos ta biba, tin tur espasio pa diskushon tokante maneho di gobièrnu i pa kritiká gobernantenan individual. Pero nunka no tin mag di tolerá pa intimidá òf den e kaso akí menasá personanan, sea ku nan ta gobernante òf un simpel siudadano’, segun gezaghèber Rijna.

‘Mi a hasi denunsia na Ministerio Públiko i mi a konsehá e otro personanan ku tambe nan ta menshoná den e pòst, pa nan tambe hasi denunsia. Pero mi ke enfatisá ku e suseso akí no ta solamente un kaso di hustisia. Ta importante pa nos komo komunidat distansiá nos mes for di ekspreshonnan riba medionan sosial ku ta krusa tur liña i ku esaki mi ke men mensahenan insultante i/òf ofensivo tambe. No kompartí esakinan, pero kita nan inmediatamente  i den kaso ku bo konosé e persona ku a manda nan: hala nan atenshon riba e kosnan akí.’

‘Boneiru ta un komunidat chikitu ku tin biaha diferensianan grandi di opinion. No tin nada robes ku esei, basta si nos keda realisá nos mes ku nos tin mester di otro pa hasi nos isla un mihó isla pa e generashonnan ku ta bini despues di nos. Pa e motibu akí mi ta hasi e siguiente yamada: laga nos anda ku otro na un manera respetuoso. I na e persona ku a pone e pòst ku menasa mi ta bisa: laga nos traha un sita, di manera ku bo por konta mi kiko ta e kos ku ta molestiá bo’, segun gezaghèber Rijna.

Related posts

Alargamento fiansa di Corona, Aruba, Corsou y Sint Maarten

EA News Author

Tur persona a ricibi e mes un informacion di nan derecho como pashent

EA News Author

19 Polis di bario a caba nan curso di Bariozorg cu exito

EA News Author

Leave a Comment

Whatsapp Message