Presidente di OPPA, Ivo Valdes, a haci un analisis riba situacion financiero di Aruba, remarcando cu e desaroyo di e isla durante e 40 aña despues cu a logra su status aparte. Segun Valdes, aunque anteriormente Aruba tabata dependiente di Corsou pa resolve problemanan, awe nos no por pone e culpa riba Corsou mas; e responsabilidad ta di nos mes.
“Den e 40 aña cu a pasa, Aruba a acumula un debe grandi. Tin biaha mester pa reflexiona riba kico realmente a yuda nos como Pais,” a indica Valdes. E enfatisa cu, na momento cu Aruba a logra su status aparte, e isla ta liber pa tuma decisionnan propio, pero ainta ta dependiente di Hulanda den termino financiero paso nos ta den Reino Hulandes. “Ta logico: si bo tin un debe cu Hulanda bo mester pag,” a agrega.
Valdes a remarca cu, aunke ta contento cu Aruba tin su status aparte, el no ta contento cu decisionnan di pasado a resulta den un debe asina halto cu ta impacta e situacion actual di e isla. “Nos mester ta consciente cu e gobierno cu a crea e debe pa Aruba a crea un debe pa nos tur y hasta pa nos nietonan.
E declaracion di Valdes a pone enfasis riba responsabilidad y consciencia riba maneho financiero, y ta invita e comunidad y futuro lidernan pa considera e impactonan di decisionnan politico- financiero na largo plazo.