Gobierno di Aruba ta sigui fortaleciendo e esfuerso pa atende adictonan ambulante cu no ta dispuesto pa participa den programa di rehabilitacion. Segun Minister di Salubridad, Asunto Social, Cuido di Adulto Mayor y Maneho di Adiccion, Mervin Wyatt-Ras, e iniciativa di Stichting HUNTO a demostra cu e esfuerso pa brinda asistencia riba caya ta di gran necesidad den comunidad.
Minister Wyatt-Ras a remarca cu, durante e proceso, algun participante ta logra beneficioso significativo, mientras otro no ta logra e resultado desea. Aunke asina, e minister a enfatisa cu e mas importante ta duna tur hende cu ta interesa e posibilidad di cambia, y ofrece nan e speransa pa un futuro miho.
Gobierno ta trahando riba otro edificio cu lo sirbi como espacio adicional pa cu e adictonan ambulante por haya atencion y guia den un ambiente seguro y structura.
