Gobierno di St. Eustatius habri awe e proceso di oferta pa hür e Bayfront Property, un tereno conoci na Lower Town, anteriormente un bar y restaurant conoce como D’Junction/Smoke Alley.
E iniciativa aki ta parti di e plan mas amplio di Gobierno pa revitalisa Lower Town y pa sustene desaroyo empresarial sostenibel cu ta benefisia tanto residente como bishitante. Bayfront Property ta ofrece un gran oportunidat pa empresarionan inicia of amplia un negocio den un di e lugarnan cu mas bunita vista riba awa na Statia.
Gobierno di St. Eustatiusta invita tanto solicitantenan local como internacional pa somete propuestanan di negocio creativo y financieramente solido cu ta refleja e caracter di St. Eustatiusy cu ta contribuí positivamente na comunidad.
Propuestanan mester wordo somete electronicamente na bids@statiagov.com no mas laat cu djaweps, 20 di november 2025, na 4:00 p.m. Tur aplicacion mester inclui un carta di motivacion, un plan di negocio detallá, prueba di capacidad financiero y, si ta disponibel, licenciannan of registracionnan relevante.
E tereno tin aproximadamente 1.580 metro cuadrá y ta inclui un bar, cocina, oficina y terrazanan cu acceso directo na playa. E ta apropia pa uso manera café, bar/restaurant, espacio di co-working of un hub cooperativo.
E periodo pa ofrece ta habri 23 di oktober 2025 na 12:00 p.m. y ta cerra 20 di november 2025. Propuestanan selecciona pa “shortlist” lo wordo anuncia 1 di december 2025, y e seleccion final lo tuma luga 22 di december 2025. Ta spera cu operacionnan lo cuminsa 1 di januari 2026.
Propuestanan lo wordo evalua bou di e Sustainable Investment and Development Framework (F+S+E+G) y mester cumpli cu ley local. Gobierno di St. Eustatius ta reservá derecho pa acepta of rechasa cualkier propuesta. Solamente solicitantenan selecciona pa shortlist lo wordo contacta.
Pa mas informacion, pone bo contacto na bids@statiagov.com.
Press release: Gobièrnu di St. Eustatius