ORANJESTAD,Aruba
Diasabra ultimo na final di e Acto Protocolar pa celebracion di Dia di Betico Minister Xiomara Maduro a topa algun turista di Merca y Canada cu a bin puntra kico Aruba ta celebra. Minister Maduro a tuma su tempo y a splica e bishitantenan cu Aruba ta celebrando e dia ey “Dia di Betico”. E mandatario a splica ken ta Betico y kico ela significa pa Aruba. Minister a probecha e oportunidad pa regala e turistanan un exemplar di e buki ‘Danki na Dje’ pa asina nan hiba nan Pais un recuerdo di un gran Arubiano. E atencion aki a wordo hopi aprecia pa e turistanan y nan a saca un potret cu e mandatario encarga cu cultura. Un bunita muestra di e grandeza di nos pueblo cual ta nos gran cordialidad.
![Grandesa Di Bo Pueblo Ta, Su Gran Cordialidad 153 Cordialidad Min Fec 01 1](https://earubianonews.com/wp-content/uploads/2020/01/Cordialidad-Min-FEC-01-1-800x533.jpg)
![Grandesa Di Bo Pueblo Ta, Su Gran Cordialidad 154 Cordialidad Min Fec 02 1](https://earubianonews.com/wp-content/uploads/2020/01/Cordialidad-Min-FEC-02-1-800x533.jpg)
![Grandesa Di Bo Pueblo Ta, Su Gran Cordialidad 155 Cordialidad Min Fec 03 1](https://earubianonews.com/wp-content/uploads/2020/01/Cordialidad-Min-FEC-03-1-800x533.jpg)