Ora cu Henry ta den oficina di General Manager Luigi Heredia, e ta entretene su audiencia, Luigi y asistente ehecutivo na Costa Linda Beach Resort. E homber ta un personalidad completo. E ta biniendo Aruba desde añanan 80, nunca el a perde un aña, incluyendo 2020. E tin pensa di pasa e siguiente simannan bao di un palapa na beach, e ta bisa, cerca di su amigonan Arubiano, na su hogar leu for di su hogar.
E manera cu e ta bis’e, su casa difunto cu tabata tin un bon wowo pa tur cos, a muri di cancer algun aña atras, anto el a ripara construccion cu tabata tumando luga banda di beach, banda rechts di e propiedad di Divi, na unda cu e tabata riba vacacion cu Henry. El a lastra Henry bay cu ne e lugar pa nan firma y disfruta di e resort hunto pa hopi aña largo. Henry awor ta biaha cu su yiu muhe – cu ta tremendo den cushina, e ta bisa.
Henry su maskara ta bisa tur cos: Haciendo e mundo un miho lugar desde 1921. Si, el a nace na 1921, cual ta haci cu e ta awor un centenario. Su pechi, 8th Air Force, tambe tin su storia, como tambe su t-shirt cu ta alaba Wicked Winnahs. Henry ta obviamente un fanatico grandi di New England Patriot, y kico tin cu e pechi, mi a puntr’e.
Inesperadamente Henry a duna nos tur un les den historia. Como piloto den e US Air Force su unidad di combate na guera mundial II, Henry a muda bay London na 1942 y participa den mas cu 20 mision di bom ariba Alemania. Riba su di 21 mision, na September 1944, su avion a wordo ataka y hera basha abao pero el a logra aterisa esaki banda di un campo na Belgica, na unda cu el a wordo tuma como prisonero hunto cu su crew, transporta den trein y despues riba pia na un campo di prisonero panort di Alemania. E tabata tin 23 aña.
Nan tur no tabata Alemano malo, Henry ta bisa, kende ta raporta di a wordo trata tog basta husto por medio di esunnan cu a captur’e, kende tabata mas interesa den peliculanan di Hollywood. Despues rond di April 1945, e guardianan a bay, abandonando nan post, señalando e final di e guera.
Henry a regresa cas pa biba un bida fructifero, lantando un famia, mirando futbol Mericano, biahando, mastanto pa Aruba. “Mi tin cu gradici VA, Veteran Administration,” e ta bisa, cual ta encarga pa servicionan pa salud pa bida largo na esnan cu a sirbi den militar manera Henry. “Mi ta consisti totalmente di spare-parts,” e ta splica, di cabes pa pia nan a haci operacion riba dje, reemplasa y repara casi tur weso y sistema den su curpa, nan ta trat’e manera un celebridad anto e ta hopi orguyoso di ainda por t’ey na bida den necesidad di nan servicionan. Tin 1,700 centro medico VA y clinicanan rond di Merca, anto Henry ta bisa di ta nan miho cliente. Akinan bo tin’e: E secreto pa un hubentud vibrante, eterno, y cu un sentido di humor saludabel – Henry a bisa nos cu e tabata un pole-dancer retira, ora co nos a introduci nos mes pa prome biaha, cu tambe un cuido medico nacional fantastico. Mas tocante Henry: https://www.metrowestdailynews.com/…/201…/NEWS/151128787
