Embahada Hulandes ta nenga otorgamento di vuelo di Conviasa pa Aruba. Embahada di Hulanda na Venezuela a desmenti e informacion cu a circula tocante un supuesto apertura di vuelonan di Conviasa pa Aruba.
Informacion di vuelo di Conviasa pa Aruba no ta corecto. E frontera maritimo a habri dia 1 di mei, pero e frontera aereo no ta habri ainda , e sede diplomatico a indica riba X (antes di Twitter)
E aclaracion ta tuma luga despues cu versionnan a circula cu e aerolinea Venezolano lo habri un ruta pa e isla, informacion cu segun medionan di comunicacion a aparece publica riba e pagina web di Conviasa dia 5 di september, aunke na e website y e rednan social di e aerolinea actualmente no tin mensahe tocante esaki.
Na febrüari, despues di lunanan di kombersashon, a yega na un akuerdo pa reabri gradualmente e fronteranan di Venezuela ku e asina yamá islanan ABC (Aruba, Bonaire i Curaçao), e islanan aki ta bou di soberania di Hulanda.
E canciller venezolano, Yván Gil, a informa algun luna pasa cu for di april 2023 interconeccion maritimo y aereo cu Curaçao lo wordo restablece, mientras cu e mes luna aki comunicacionnan cu Bonaire y na mei Aruba lo wordo reestablece, pero den e dos ultimo casonan lo ta solamente via maritimo.
Actualmente tin un Notam di autoridadnan di aeronautica civil di e isla, unda no ta permiti e vuelo di aviacion general y comercial di pasahero, carga y correo for di Venezuela, e restriccion aki tin vigencia te cu 21 di october di e aña aki.
Ta bon pa menciona cu ni Conviasa ni ningun organismo oficial di gobierno, ta provee informacion riba vuelo pa Aruba for di Venezuela pa e aerolinea estatal. E informacion aki a wordo divulga pa medio di comunicacion via rednan social. Asina e pagina oficial di conviansa a indica. https://www.aviacioncivil.com.ve/embajada-de-paises-bajos-desmiente-autorizacion-de-vuelos-a-conviasa-hacia-aruba/
1 comment
[…] Source link […]