IBISA a duna inicio oficial na e inscripcionnan pa e tan spera ‘IBISA Kids Camp 2026’. E campamento e aña aki lo tuma luga den e siman di 20 te cu 27 di juli, ofreciendo un siman yen di actividad sano y educativo pa e dushi storianan di nos hogarnan.
Gerro Koolman, coordinador di IBISA Kids Camp 2026, a elabora mas ariba e detaye di e proyecto aki, destacando cu e enfoke principal ta keda ariba e bienestar y recreacion di e muchanan.
Cupo limita y rekisitonan de edad
E campamento ta specialmente diseña pa mucha y hobennan den e categoria di edad di 6 pa 12 aña. Pa garantisa e siguridad y un guia di calidad pa cada participante, IBISA a anuncia cu e aña aki tin un cupo strictamente limita: lo acepta solamente 100 mucha.
Pa e motibo aki, e organisadonan ta lansa un yamada fuerte na e mayornan pa no laga tur cos pa ultimo ora. Coordinador Koolman a conseha cu, na momento di realisa e inscripcion via e plataforma digital, pa acudi y efectua e pago mesora pa asina garantisa e luga di e mucha.
Luganan di pago y registracion
Pa facilidad di e mayornan, e pagonan pa e participacion por wordo efectua na e oficinanan di IBISA den ambos districto principal:
• IBISA Playa
• IBISA San Nicolas
Inscripcion sin pago no ta wordo considera asina leu sigura, pesey ta pidi tur mayor pa cumpli cu e parti aki debidamente pa evita cualkier desapunto, mirando e gran demanda cu e campamento aki sa tin tur aña.