Durante un seremonia festivo riba 13 di mei, ocho partisipante di Defensity College Carib a keda promové pa corporal. E studiantenan di e di dos i di tres aña a kaba nan entrenamentu militar i pronto lo kuminsá na vários lugá di trabou kaminda nan ta kombiná nan estudio ku eksperensia práktiko den seno di e organisashon di Defensa Hulandes. E seremonia a tuma luga den presensia di Gobernador di Kòrsou.
E programa di trabou-estudio di Defensity College Carib, ku a lansa komo un piloto na Kòrsou na mei 2024, ta ofresé studiantenan e oportunidat pa kombiná nan estudio ku eksperensia di trabou denter di e organisashon di Defensa. Tur aña den luna di aprel, un kohort nobo di studiante ta kuminsá, partisipando den e programa pa un máksimo di tres aña. E partisipantenan ta kuminsá ku entrenamentu militar intensivo di dos siman i despues ta apliká nan konosementu akadémiko i ekspertisio lokal na lugánan di trabou adekuá denter di e organisashon di Defensa. Durante e programa, e studiantenan di trabou-estudio ta partisipá den vários aktividat i entrenamentu, pa medio di kua nan ta desaroyá personalmente, profeshonalmente i militarmente.
Ku yegada di e kohort nobo aki, 21 studiante di vários ramo di estudio na Universidat di Kòrsou entretantu ta aktivo komo studiante di trabou-estudio militar. Ku e inisiativa aki, Defensity College Carib tin komo meta ku esaki pa ofresé studiantenan motivá e oportunidat pa kombiná estudio i trabou na Ministerio di Defensa na un manera úniko.
Mas informashon tokante e programa por wòrdu hañá riba e wèpsait www.defensitycollege.nl/dc-carib
