Den e prome reunion cu a trata e caminda cu e ley di Rijkswet a cana no tabata corecto, minister nan presente den e reunion no a entrega parlamento di Aruba tur e documentonan necesario. E mandatarionan ta sconde tras di Rijksministerraad siendo cu netamente ta parlamento di Aruba mester a haya e documentonan aki prome cu hiba esaki nan na Rijksministerraad, aki por mira e falsedad y e traicion politico cu gobierno di AVP –FUTURO a comete cu parlamento di Aruba , pero mas tanto cu e pueblo di Aruba.
Awe ta sconde tras di notulanan di Rijksministerraad cu ta “ geheim” siendo cu a pasa e ley over sin duna Parlamento di Aruba ningun documento, mane e famia Herman Munster tras di cortina preto un traicion den dia cla na pueblo di Aruba cu a vota pa AVP –FUTURO cu a traiciona Aruba nos Pais cu nos ta biba riba dje.
Di e manera aki e famia di Herman Munster AVP-FUTURO ta entrega Aruba su libertad, autonomia, status aparte y ta bende pueblo pa un saco di placa. Tampoco te dia di awe no por a demostra si realmente e calculacion di fia placa riba un debe cu Aruba tin ta e miho decision pa haci pa Aruba.
Minister Geoffrey Wever (Herman Munster) no sa mas kico pa hustifica unda cu prome ta bisa 50 mil di besparing, despues ta indica cu ta 30 mil,8 mil y asina e la keda baha y te dia di awe no por ta honesto cu su mes y ni cu e pueblo di Aruba realmente.
Un desaster cu cabes nan di gobierno di AVP –FUTURO ta haci y perhudica Aruba enormemente pa fia placa riba un debe cu Aruba ta casi Sali cabes na awa pa dies crea proyectonan cu nan a pensa di bin cu ne cu ta proyectonan PPP, cu ta e mes un proyectonan aki cu a hinca Aruba den debe astronomico for di 2015 unda aki Aruba a haya su prome KB y a haya supervision financiero pa prome biaha.
Lamentablemente cu e mes un prome minister Mike Eman (Grandpa Munster ) na mando y cu e mes un abogado di e tempo ey di e proyecto nan PPP esta Geoffrey Wever cu awe a bringa cu alma y cuerpo pa e yega na e maneho di placa di Pais Aruba como minister finansas pa awe ta pusha hunto cu su parther conenchi lider di FUTURO Minister Gerlien Croes (Lily Munster) pa bolbe zink Aruba den debe, pero no cu un supervision pero traicionando henter un pueblo pa ricibi un cantidad di placa pa haci proyectonan PPP un biaha mas y entrega Aruba na Hulanda pa nan pensamento personal sin pensa pa Aruba, pero pa nan mes y destrui un pueblo completo mirando cu e debe cu ta bay tin ta nos tur como Arubiano mester bay paga esaki y lo ta bay tin otro sistema di belasting pa e pueblo bay paga.
E gobierno AVP-FUTURO e (Herman Munster Family ) di Pais Aruba no ta give a damm cu sindicatonan, tur e firmantenan cu ta bisa NO na Rijkswet HOFA y comerciantenan cu no ta para tras di e HOFA. Aki pueblo di Aruba por mira realmente cu ningun di nan no ta traha pa e pueblo di Aruba pero pa nan mes. Aki ta un bibo experencia unda cu bo vota tin hopi balor y ta importante riba e destino cu Aruba lo bay den dje. Aruba lo haya su mes den temponan basta fuerte y delicado y hopi duro pa motibo di e traicion di e tres politico nan aki na cabes di Rijkswet HOFA hunto cu prome Minister demisionario Schoof di Hulanda cu tambe a forma parti di e traicion na Pueblo di Aruba.