Den un declaracion firme den e ultimo reunion di e Conferencia Permanente de Partidos Politico di America Latina y Caribe (COPPPAL), Joe Koolman, Presidente di e Comision di Decolonisacion y Colonialismo, a pone enfasis den e urgencia di respeta e autonomia di e islanan den nos region, partikularmente Aruba y Boneiro. Mundo mester ta na altura di kico e gobienro di AVP –FUTURO y Hulanda ta creando pa Aruba unda cu ta pone un pais bay atras enbes di bay dilanti.
Koolman, kende ta lidera e esfuersonan di e comision, a enfatisa cu e esfuerso di decolonisacion ta un compromiso cu no ta permiti silencio. Segun e lider di e comision, e lucha contra e “neocolonialismo” y “recolonialismo” ta fundamental pa e sobrevivencia di nos nacionnan.
E Cuater Pilarnan Inquebrantabel
Durante su discurso, Koolman a resalta cu tin cuatro pilar cu no ta negociabel pa e existencia di nos paisnan:
• Democracia: E base di nos sistema politico.
• Soberania: E derecho di dicidi nos propio destino.
• Integridad Territorial: E respet pa nos fronteranan y nos espacio.
• Autodeterminacion: E derecho inalienabel di cada pueblo.
E principionan aki ta acorda den e Carta di e Nacionnan Uni y ta coregi pa e Resolucion 1514 di aña 1960, cu ta establese cu “tur pueblo tin e derecho na e liber determinacion”.
E Lucha pa Autonomia di Aruba
Tocante Aruba, Koolman a recorda cu e Statuut di e Reino di 1983 ta un pacto entre cuater pais y no un relacion di provincia of colonia. Koolman a argumenta cu Aruba no ta den e dos condicionnan pa interver den nos autonomia: e no tin un “kibre financiero” ni un “golpi na e democracia”.
Nos no ta provincia, nos no ta colonia, nos ta pais,” Koolman a subraya, exigiendo respet pa e autonomia di e pueblo di Aruba. E presidente di e comision a expresa preocupacion cu e politica di Hulandes ta considera e ayudo financiero como un “oportunidad” pa eherce control, algo cu e ta considera inaceptabel. Esaki ta basicamente esclavitud moderno.
Un Yamada na Respet
Koolman a finalisa su discurso cu un mensahe pa e gobernantenan na Hulanda, recordandonan cu e respet mester “cuminsa na cas”. E a enfatisa cu “e respet pa e derecho ajeno ta e pas,” y cu e igualdad soberana solo por existi cu respet mutuo.
Joe Koolman a señala cu e Rijkswet HOFA ta un ley di e Reino cu lo pone e control financiero di Aruba den man di Hulanda.
E parlamentario ta cuestiona e motibo di e ayudo financiero brinda, sugeriendo cu esaki ta wordo uza como presion pa acepta e ley aki.
Koolman ta argumenta cu e leynan aki ta permiti e “neocolonialismo,” ya cu nan ta menasa e autoridad constitucional di nos Parlamento.
E a enfatisa cu e esfuerso aki ta den contradiccion cu e principionan di e Statuut, cual ta reconoce Aruba como un pais independiente cu igualdad den e Reino, pero Hulanda no ta of no KIER respeta esaki y ta haci todo por todo hunto cu e gobienro actual sinta di AVP –FUTURO pa bruha y cambia informacion cu no ta e berdad y realidad di Aruba pa trece cambionan indecea cu e pueblo a vosifera na varios ocacion NO na HOFA.
