Dutch Caribbean Nature Alliance (DCNA) ta invita tur residente di Aruba, Boneiro, Corsou, Saba, Sint Maarten y Sint Eustatius pa participa na e prome Big Live Nature Quiz diabierna 2 di juli 6 or di atardi. Participacion ta gratis, online, bibo, interactivo y ta contene pregunta tocante e bestianan di Caribe Hulandes. E quiz divertido aki ta na Ingles, pero tambe e preguntanan lo tin subtitulo na Hulandes y na Papiamentu. Bo por participa online desde bo cas of bo por bay na un di e luganan di transmision riba bo isla. Bo por participa bo so of bo por forma un ekipo cu maximo 4 amigo/ famia / colega. E ekipo ganado lo gana un trip riba un barco di bela/trip di snorkel rond di bo isla. Percura pa bo registra riba biglivenaturequiz.org.
Fecha y hora E habitantenan di e seis islanan di Caribe Hulandes di 18 aña of mas ta invita pa participa na e prome concurso anual Big Live Nature Quiz pa adulto. E quiz ta tuma luga dia 2 di juli di aña 2021, de 6 or pa 7 or pm AST. Ta bay tin un pausa cortico pa socialisa y pa tuma algo di come y bebe pa prepara pa e di dos ronda.
Team
Participa bo so of forma un ekipo cu maximo 4 amigo / famia / colega
Luga
Bo por participa na dos manera. E participantenan por hunga online desde nan trabou of cas cu amigo y famia y tambe por bay na un bar of restaurant stipula (Boneiro: Hillside, Saba: Long Haul, St. Eustatius: Blue Bead Bar & Restaurant), St. Maarten: Dinghy Dock Sailors Bar) na unda ta transmiti e quiz bibo.
Reserva bo luga
E gruponan cu ta consisti di un pa cuater miembro mester registra di antemano riba biglivenaturequiz.org pa por participa. E personanan cu ta desea di participa na un luga cu ta transmiti bibo tambe mester reserva un mesa na e bar (Boneiro: Hillside, Saba: Long Haul, St. Eustatius: Blue Bead Bar & Restaurant), St. Maarten: Dinghy Dock Sailors Bar).
Rekisito
No ta necesario pa prepara bo mes of studia di antemano pa e quiz. E unico cos bo mester pa participa ta un registracion online (biglivenaturequiz.org), un conexion di Internet, un computer, un telefon pa contesta pregunta y un bon actitud.
Si bo forma un ekipo y bo ta participa for di bo cas of trabou, bo mester reuni fisicamente dilanti di un computer y bo mester solamente 1 telefon celular pa ekipo pa manda bo contesta di team.
Si bo ta participa for di un di e barnan stipula, solamente bo mester registra online (bilivenaturequiz.org), reserva un mesa na e bar (Boneiro: Hillside, Saba: Long Haul, St. Eustatius: Blue Bead Bar & Restaurant), St. Maarten: Dinghy Dock Sailors Bar) y bin cu un telefon celular.
Tema: Bestia di Caribe Hulandes
E quiz lo tin un total di 35 pregunta di escogencia multiple. E quiz ta bay ta na Ingles, pero e preguntanan lo tin subtitulo na Hulandes y Papiamentu. Ta bay tin cinco categoria: Bestia di lama, Bestia cu ta biba riba tera, Zonido di naturalesa, Especie special y Persona y Naturalesa.
Premio
E ekipo ganado ta gana un trip riba barco di bela/ trip di snorkel rond di su isla. E ekiponan cu keda na di dos y di tres luga ta ricibi t-shirt y pechi.
Quiz anual pa adulto y mucha
DCNA ta apoya entre otro STINAPA Bonaire, CARMABI na Corsou, Aruba National Park Foundation, Saba Conservation Foundation, STENAPA na St Eustatius y Nature Foundation Sint Maarten, entre otro, cu su programanan di educacion tocante naturalesa. A traha e Big Live Nature Quiz online pa educa e ciudadanonan tocante conservacion di naturalesa na un manera interactivo divertido, pa encurasha practica ecologico, pa apoya e proyectonan di conservacion di parke y pa conecta e personanan den henter Caribe Hulandes. Esaki ta un evento anual pa adulto y mucha. E edicion pa mucha ta planea pa fin di october.
E Quiz Big Live Nature Quiz ta wordo financia generosamente door di Ministerio di Agricultura, Naturalesa y Calidad di Alimento (LNV) y e actividadnan di DCNA ta conta cu apoyo di Loteria Nacional di codigo postal (Nationale Postcode Loterij).
Sigui e Big Live Nature Quiz online
Consulta Facebook di DCNA (Dutch Caribbean Nature Alliance), Instagram (DCNAnature) of biglivenaturequiz.org. Si tin pregunta, manda un e-mail pa research@DCNAnature.org of projects@DCNAnature.org of yama nos na + 599-717-5010.