No ta un caminda pero varios caminda tin diferente sushi benta canto di caminda den caya prinsipal.Kico ta pone un persona dicidi di dies benta sushi abao ? Kico esaki ta bisa di un persona cu ta dies benta sushi abao unda cu ta? Ta di lamenta tipo di actonan asina aki mirando cu tin team di DOW cu tur mainta ta haci caya limpi, pero tur dia di nobo ta haya sushedad benta abao. Sinembargo den caya tin bari, pero pa un motibo of otro ta scoge tog pa benta e sushi abao riba caminda publico,esaki ta muestra di inmadures, porco y iresponsabel. Rond mundo ta lucha y traha pa tin un medio ambiente mas saludabel y limpi, pero ta parce na Aruba, nos no ta consiente. E esenario aki ta inaceptabel y tambe mahos bista pa turistanan.
