SaludLocal

Kico ta Parkinson y con pa biba cu ne

Parkinson2

Diadomingo awo dia 11 di april ta Dia Mundial di Parkinson. Mundialmente ta enfoca riba pashentnan cu ta biba cu e enfermedad aki. Neurologo dr. Roberto Weiser a enfatisa cu constantemente ta actualisa e metodo di tratamento pa pashentnan di Parkinson, cu remedi nobo y si ta necesario, cirugia. Di acuerdo cu estadisticanan, Aruba tin 200 pashent registra na poli Neurologia cu tin e enfermedad di parkinson.

Ta atende nan na policlinica di neurologia un biaha cada cuater luna pa haci control, pa ricibi remedi y tambe pa weita con ta bayendo. Tambe ta evalua si acaso e pashent ta un bon candidato pa haya cirugia. Den caso cu e pashent ta bon pa cirugia, ta prepara tur papel pa haci un DBS, Deep Brain Stimulation, na Colombia. Di otro banda si e pashent no ta bin na remarce pa cirugia pero ta sigui cu remedy lo mester controla y evalua su remedinan. Tambe ta percura pa duna tip di ehercicio  y mehoracion pa calidad di bida.

Pa loke ta cua genero ta mas afecta pa parkinson, dr. Weiser a duna di conoce cu no por bisa cua ta haya mas. Ta calcula cu e ta 50-50 sea ta e ser femenino of masculino. E edad cu mayoria di hende ta cuminsa cu sintoma di parkinson ta entre 50 pa 65 aña. Por biba cu e enfermedad aki cual ta uno cronico y ta avansa cu tempo. Mas tempo bo tin e enfermedad, mas pio e ta bira.

Ainda no tin remedi pa preveni di haya Parkinson. E enfermedad aki por aparece diripiente y e prevalencia ta mas of menos di 100 pa 200 hende pa 1000 habitante.

KICO TA PARKINSON

Parkinson ta un enfermedad den e genero neurodegenerativo den bo sistema di nervio. Diripiente e celebro por haya un proceso neurodegenerativo. E prome enfermedad cu ta cay den e grupo aki ta Alzheimer y di dos ta Parkinson. Nos tin un neurotransmisor, esta dopamina den e celebro y ora e ‘fabrica’ aki a bira malo y e celnan cu ta produci dopamine ta cuminsa muri. E produccion di dopamina ta baha y esey ta pone cu e pashentnan ta haya e sintomanan manera temblamento, bira stijf of bira slap y movecion por bira slow.

Dr. Weiser a bisa cu e dia ta pa tur cu tin e enfermedad aki, pero e famia tambe. A scoge e dia aki pa motibo cu James Parkinson a nace riba 11 di april. Na aña 1817 el a describi e enfermedad como ‘Shaking Palsy’ cu despues a wordo cambia pa su nomber, Parkinson. E ta conseha tur pa sigui biba nan bida, haci ehercio y sigui tuma remedi. Na e famia ta conseha pa tin hopi pasenshi y cuida nan ser keri. Apesar di tin Parkinson, por biba un bon bida.

Neorologo 8 ScaledParkinson2Parkinson3Parkinson4

Related posts

Parlamentario Minguel Mansur a partisipa na reunion virtual di Comicion di Asuntonan Economico, Debe Social y Desaroyo Regional di Parlatino

EA News Author

Minister Maduro ta felicita sra. Lies Vrolijk cu su 40 aniversario como empleado publico di pais Aruba na DIMP

EA News Author

Danki na AAA su “Wings of Hope” Back-To-School Project: 217 studiante lo ricibi nan materialnan di scol

EA News Author

Leave a Comment

Whatsapp Message