ORANJESTAD, Aruba
Ora un persona o pais por para ariba su mes y tuma su propio desicionnan. Pa un persona o pais por tuma su propio desicionnan, e mester tin FONDO(placa).
Grita, zapatia, insulta, ofende, critica, yama pa colinisador etc. no ta yuda na nada, mester wak den propio cas prome kiko a bai robez cu ya for di 6 aña pasa Aruba a perde su aotonomia, ora cu e ley di Laft a ser pasa y laga e control financiero completamente den man di Hulanda. E Gobierno actual a sufri 3 aña pe no ricibi un “aanwijzing”.
For di Hulanda señor Quito Nicolaas tur dia ta grita pa no entrega aotonomia, pero Quito tin añanan ta bibando na Hulanda y no sa den kiko nos pueblo ta pasando aden y e ta bibando dushi dushi di tur loke Hulanda ta ofrece su ciudadanonan.
Na Corsow Matutino Extra a tene un encuesta y 80 % di e poblacion ta desea pa Corsow bira un gemeente. Nan ta pasa den mes un situacionnan cu nos pais, na unda politiconan corupto, hasta a bai sera y tin bow investigacion, a caba cu tur nan placa.
Politiconan elite aki na Aruba cueste loke cueste ta sigui defende e autonomia, sin pensa cu ta nan ta e culpablenan mas grandi di a laga nos pais sin ningun reserve financiero. Tur placa a ser usa pa:
Paga pensionnan miyonario na politiconan, cu apenas 45 aña pa Ministro y 50 aña pa Parlamententarionan. Pregunta ta surgi si na momento cu nan a yega na e edadnan aki y ainda tabata ocupa un posicion como tal cu nan a cobra e pension tambe? Esaki pueblo ta desea pa haya sa.
Overbrugginstoelage miyonario cada 4 aña, sea como Ministro o Parlamentario.
Fabornan na amigo y famianan den tur Gobierno.
Curupcion, mas corupcion, politiconan investiga, sera y ainda tin mas casonan. Corda cu ta e mes un politiconan ta insulta otro di ta ladron y corupto.
Companianan di gobierno casi declara falliet. Otronan reserva financiero ta cabando. Nos moneda a punto di perde su balor.
UN DEBE GRANDI DI ARIBA 8 BIYON CU NINGUN GOBIERNO POR PAGA.
Un pais pober y cu hendenan pober.
Pueblo ken a goza di e fomoso autonomia?
Pueblo no, pero politiconan elite.
Na kiko e autonamia a sirbi nos pueblo?
Pa politiconan bira miyonario.
Nos lucha ta sigui.
MOVIMIENTO FUTURO PA UN ARUBA NOBO.