Awe 13 di December Kingdoms Under the Sun Carnival Group bou guia di e conocido carnavalista señor Rossini van Wijk ta celebra nan di dos lustro.
HISTORIA
Na aña 1987 van Wijk a inicia su trayecto como diseñador di un variacion grandi di trahenan carnavalesco. Cu esaki, Van Wijk a gana diferente premio nacional y internacional. Na momento cu van Wijk a sigui cu su estudio na aña 2003 na Hulanda, el a dicidi di cuminsa cu su propio grupo di carnaval bou nomber di ‘Kingdoms Under the Sun’.
E grupo aki a bira masha conoci na Hulanda pa nan trahenan espectacular y tambe pa e cantidad di biaha cu nan a participa y gana den e eleccionnan di reina organisa pa e organisacion ‘Zomercarnaval Rotterdam’ hunto cu e organisacion ‘Rotterdam Unlimited’.
EVENTO
Pa tal motibo – y na un manera ahusta ‘Kingdoms Under the Sun’ lo celebra nan lustro pa honra participantenan cu a forma parti di e grupo durante e ultimo 20 aña. E evento lo tuma luga dia 13 di december 2020 di 10:30 am pa 12:30 pm cu un programa intensivo.
Pa e logro aki ta felicita y ta desea Rossini van Wijk hopi aña mas di existencia cu su creatividadnan fabuloso lo sigui briya cu e grupo carnavalesco ‘Kingdoms Under the Sun