Den kuadro di proyekto di resosialisashon i duna bèk na komunidat, departamento di Resocialisatie Arbeid en Schilder di SDKK, a hasi trabounan di fèrfmentu i mantenshon na Juan Pablo Duarte VSBO.
E trabounan aki a tuma lugá intensivamente for di luna di novèmber 2020 i a bin finalisá fin di yanüari último.
Den un seremonia sobrio direktornan di skol, representante di Dienst Openbare Scholen i tambe miembro di tim di maneho di SDKK, a gradisí tantu e detenidonan ku a traha den e proyekto i tambe tim di maneho di SDKK pa e bon trabou hasí.
Tambe na e okashon akí direktornan di Juan Pablo Duarte VSBO a gradisí Tafel Ronde Curaçao, Mangusa Supermarket i MCB pa nan koperashon den e proyekto aki.
