PoliticaFeaturedLocal

Parlamentario Alan Howell: “Den cada detaye cu e gobierno aki por duna nos ciudadanonan un rosea, nos lo sostene esaki

Alan

Den cada detaye cu e gobierno aki por duna nos ciudadanonan un rosea, nos lo sostene esaki”. Esaki ta palabranan di Alan Howell durante conferencia di prensa, e ta referi aki na e echo cu Minister Dangui Oduber a postpone e introduccion di e lista positivo nobo di remedi, despues cu Fraccion di POR a haci un apelacion fuerte na e mandatario pa para esaki.

Howell ta indica cu nos pais y nos ciudadanonan no ta pasando den e miho tempo y pesey e ta aplaudi cada detaye cu ta wordo duna pa por yuda nos hendenan y ponemento ‘on hold’ di e lista positivo nobo ta duna nos ciudadanonan un rosea pa loke ta e parti di cuido.

Tambe Alan Howell a menciona cu Hulanda a impone riba Gobierno di Aruba pa bin cu un reduccion di mas o menos 5 miyon Florin den cuido, cual ta algo inaceptabel, pero lamentablemente na e momento ey, Gobierno di Aruba mester a bay di acuerdo cune na cuminsamento y despues seguramente nan lo a busca un forma pa wak con por yega toch na un acuerdo pa elimina esaki.

“Nos di Fraccion di POR a para fuerte den Parlamento y a manda un señal hopi cla pa Gobierno, cu cortamento di 5 miyon den cuido medico ta inaceptabel”. Howell a expresa. E ta sigui bisa cu a haya diferente stakeholders cu ta forma parti di cuido, aproximadamente 17 di nan a bay Parlamento y a splica e parlamentarionan cu ta imposibel pa por corta 5 miyon den cuido. Nan a duna un señal cu no solamente ta bay trece un desaster total pa loke tat rata nos cuido den tur sentido, pero hasta por haya cu ciudadanonan pa motibo di e medida aki lo fayece. Apart di esey tambe a duna señal tambe cu nos lo por perde hopi di nos profesionalnan cu tampoco ta dispuesto pa traha den e sistema aki y probablemente lo por dicidi di bandona nos pais pa bay traha otro caminda unda nan lo por traha den tur tipo di trankilidad.

Alan Howell ta di opinion cu ta importante pa tur parlamentario y gobierno keda para firme contra Gobierno di Hulanda, contraPolitiek Den Haag, pa no acepta e cortamento di 5 miyon den cuido medico.

Na final, el a gradici Minister Dangui Oduber pa recapacita riba e decision di corta den e lista positivo y pone esaki ‘on hold’, pasobra ya caba nos ciudadanonan ta pasando den duro y pa pone un peso extra pa paga pa cierto remedinan cu nan tin mester pa nan salud, ta solamente stik lo cabi stiknan den e momento di crisis aki. “Pueblo por conta cu nos lo sigui para fuerte pa tur decision cu nos ta sinti cu no lo ta apto na e momentonan aki pa nos ciudadanonan”.

Alan

Related posts

Ex Prome Minister Nelson Oduber: “Accionnan di Agosto 1977 tabatin su motibonan, significacion y balornan pa nos lucha y historia”

EA News Author

Aruba Bank ta felicita St. Paulus School cu un Marcha Cultural sumamento creativo

EA News Author

Cu participacion fuerte di nos comercio local: Health & happiness code ta dunando su frutonan

EA News Author

Leave a Comment

Whatsapp Message