For di 28 di januari, organisacionnan y creadornan cultural na Aruba, Boneiro,
Corsou, Saba, Sint Eustatius y Sint Maarten por bishita rijkscultuurfondsen.org.
E website nobo aki ta un guia cla pa e seis fondonan cultural nacional, caminda
por haya un seleccion di opcionnan di subsidio.
Dicon rijkscultuurfondsen.org?
E website a wordo crea den consulta cu creadornan cultural y organisacionnan riba e
islanan. Combersacionnan, bishitanan di trabou y intercambionan a conduci na e idea
di lanta un luga digital caminda fabricantenan y organisacionnan por haya facilmente
un fondo adecua y skema di subsidio asocia. Rijkscultuurfondsen.org ta un plataforma
central cu ta guia aplicantenan stap pa stap na e opcionnan cu ta cuadra miho cu nan
plannan cultural.
Haya e subsidio corecto den 2 paso
Un di e caracteristicanan mas importante di e website ta e asistencia di aplicacion
digital; un herment di filter traha na midi cu ta permiti e usuario pa mira e skemanan
cu ta pas miho cu nan plannan cultural den dos paso. Ademas e website ta ofrece
resumennan di un seleccion di skema di subsidio pa fondo, ofrece den cuater idioma:
Ingles, Papiamento, Papiamentu y Hulandes. Unabes bo a filtra e skema cu ta pas
miho cu bo plannan, lo bo wordo redirigi na e website di e fondo corecto.
Gilia Croes, colaborado di maneho pa Cultuur & Onderwijs Caribisch Nederland,
tocante rijkscultuurfondsen.org: E mapa cultural den Caribe ta yen di potencial, pero
hopi creador y organisacion cultural ta duda pa drenta den e ocean profundo di
subsidio disponibel. E por ta dificil pa haya bo caminda dor di tur e posibilidadnan. E
website aki ta provee un guia practico y ta yuda creadornan Caribense haya e sosten
corecto. Cu acceso mehora na recursonan financiero, e plataforma ta permiti nan trece
nan plannan cultural na bida y probecha di e potencial completo di e campo creativo
di Caribe.
Pa e creadornan den henter Reino
E fondonan cultural nacional ta compromete pa haci arte y cultura accesibel pa tur
hende, na Hulanda Europeo y Caribense. Nan ta stimula innovacion, desaroyo di
talento y conexionnan entre trahadornan, organisacionnan y publico den henter
Reino.
E website a wordo diseña pa e diseñador Arubiano Carla Garcia y ta subraya e
conexion aki: “E identidad visual di rijkscultuurfondsen.org ta inspira door di
herencia cultural di e parti Caribense di Reino. E concepto di diseño ta brasa
crusadanan, conexionnan y limitenan, representando visualmente colaboracion y
trayectonan comparti
Seis fondo cultural nacional
E website ta wordo maneha den nomber di e seis fondonan cultural nacional:
Nederlands Filmfonds, Fonds Podiumkunsten, Fonds voor Cultuurparticipatie,
Mondriaan Fonds, Nederlands Letterenfonds en het Stimuleringsfonds Creatieve
Industrie. E fondonan aki, finansa dor di Ministerio di Enseñanza, Cultura y Ciencia (OCW), ta
duna sosten financiero na organisacionnan y creadornan cultural den henter Reino.
Conhuntamente ta finansia tur disciplina cultural: arkitectura, cultura digital, diseño,
arte visual, herencia, pelicula, literatura, arte riba podio y participacion y educacion
cultural. Bishita rijkscultuurfondsen.org y descubri con e fondonan cultural nacional por yuda
bo haci bo plannan cultural posibel.
