E aña aki Inspeccion di Ambiente di Biba y Transporte (InspectieLeefomgeving en Transport – ILT) riba encargo di secretario di estado di Infrastructura y Maneho di Awa y riba peticion di Entidad Publico Boneiro ta bay haci un ‘nulmeting’, esta un inventarisacion di e situacion actual, pa loke ta trata tur otorgamento di permiso y tareanan di supervision y mantencion di ley den Hulanda Karibense.
Entidad publico boneiro lo uza e ‘nulmeting’ di inspeccion di ambiente di bida y transporte y e rapport cu ta sigui despues di esaki pa ampliacion di e trayectonan di mehoracion di e directoradonan di planificacion y desaroyo y supervision y mantencion di ley. Ya caba a elabora un plan di mehoracion Planificacion y Desaroyo den cua a inclui intensificacion di e instruccionnan y proceduranan pa otorgamento di permiso Pa directorado di Supervision y mantencion di ley tambe ta trahando riba un ‘quickscan’ i un programa di mehoracion.
Ta manda resultado di e ‘nulmeting’ pa TweedeKamer y lo procesa esaki den ambos plan di mehoracion, di manera cu por ehecuta tareanan di otorgamento di permiso y di supervision y mantencion di ley den un forma realistico y eficiente.