Ta admira e esfuerso di Gabinete AVP-Futuro
E ta dificil pa un persona cu no tin hopi recurso, mantene y embeyese su bario cu mata. Esaki ta locual Loreto Werleman a expresa durante Accion di Bario na Cura Cabay Zuid.
Por a tuma nota di un bunita area di plantacion di diferente mata di fruta y berdura cu Loreto a cultiva pa algun tempo caba. E ta pasa den dificultad financiero tur luna cu cobransa halto di awa pa logra muha e hardin cu e ta cultiva.
Loreto a menciona cu e ta yega na suma di mil florin pa luna na awe, cual ta algo hopi halto pa un persona cu kier aporta na agricultura. Ta mira cu produccion di e cultivo no ta yega pa cubri e gasto aki. Su esfuerso gran mayoria ta yega mas bien na perdida.
Gobierno mester inculca den agricultornan pa sigui sembra pero tin cu brinda nan e sosten pa haci esaki.
Loreto ta admira e esfuerso di e gobierno aki, di Prome Minister Mike Eman cu e meta di reforestacion di nos isla y e beneficio den salud / ambiental cu esaki lo trece cu ne.
Loreta ta contento cu Premier Eman a planta un mata cu ne awe y ta desea di mira pronto e sosten financiero pa e por continua muha su matanan y aporta na e reforestacion desea.
