Berdad cu Aruba tin diferente agricultornan cu ta cosecha, pero esaki no ta carga Aruba completo. Berdura cu fruta ta yega tur siman fresco for di Merca. Sinembargo cosecha di agricultornan na Aruba berdad ta di importancia principalmente na momento cu tin tendencia den exterior y e prijs ta subi hopi halto.
Comerciante Hubert Dirks di COMPRA ta indica cu e menasa directo cu tin na e momentonan aki ta berdura. Principalmente den december na momento cu ta dianan di fiesta na Merca of den otro luna nan cu tin fiesta Mericano na Merca e hende nan ta cumpra mas y e prijs automaticamente ta subi.
Loke ta un realidad na Aruba cu actualmente no tin alternativa di fruta cu berdura pa Aruba y Hubert Dirks ta kere firmemente cu mester por bin cu alternativanan cu ta beneficioso pa Aruba. Na mes momento ta kere cu por bay un tiki mas cerca di cas pa posibel alternativa cu fruta y berdura y kisas mas producto , pero e punto ta cu no ta 1 comerciante so por hacie , pero si ta kere cu conhuntamente cu gobierno por yega na solucionnan y wak kico por bira e alternativanan si e situacion di Merca mester sigui cana den e direccion cu e ta canando na e momentonan aki.
Sinembargo tambe Hubert Dirks ta kere cu loke cu Aruba por haci na cas mes, comerciantenan y gobierno mester sostene esaki. Comercio y agricultornan mester por traha hunto, esunnan cu ta planta ta depende di supermercadonan pa bende nan producto, pero e supermercado tambe ta depende pa tin e producto pa ofrece na e comunidad, e ta un trabou conhunto.
Tambe mercadonan pa e productor por ofrece su producto ta di hopi validez pa e agricultor por crece. Mercado popular ta conoci na diferente parti di mundo unda cu productor por trece su producto y asina bende esaki directamente na e consumidor. Esaki ta opcionnan cu tin y a trece e idea aki pa gobierno algun aña atras caba, sinembargo te dia di awe gobierno mes no a pone su input den esaki, unda cu por pone e tereno disponibel pa asina e mercado popular bira un realidad y e comerciante cu e productor lo haci di su banda pa e mercado popular ta activo, segun Hubert Dirks te dia di awe ta warda e input di gobierno.
Tur comerciante ta traha pa gana placa, esun cu mester percura pa e pueblo, den e sentido di siguridad di cuminda ta gobierno di Aruba y comercio kier coopera, pero ta biba un pensamento cu comerciantenan kier pusha pa miho, pero ta parce cu tur cos a bolter.
Sinembargo ideanan tin, pero e realidad ta cu si gobierno y comercio no ta yega na otro pa e bienestar di e comunidad di Aruba, ta indicacion cu kisas mester cuminsa na acepta cu Aruba “ ta politiek verziekt” y pueblo ta esun cu ta paga pe.
Contrario na gobierno di Corsou cu ta mas pro activo cu Aruba, esunnan cu ta bishita Corsou y ta mira e productonan na Corsou hopi mas barata cu Aruba no ta culpa di e comerciantenan di Aruba , pero di e gobierno cu ta exigi pa cumpra productonan EU cu ta mas caro siendo na e mes un vender ey ta haya cuminda mas barata, pero Aruba no por cumpra esun barata manera Corsou si ta cumpra, paso e leynan di Aruba no ta permiti esaki y e politiconan no ta haci nada tampoco pa cambia e leynan. Consecuentemente di e manera aki e cuminsa na Corsou ta mas barata cu di Aruba.