Aruba no tin un departamento cu ta monitor loke ta tuma luga y kico ta e productonan cu ta bin di Merca , kico no y kico Aruba por haci como plan B cu ta e productonan alternativa na otro Paisnan. Comerciante Hubert Dirksz ta indica cu si mester trece topiconan relevante riba mesa pa posibel alternativanan no tin un departamento y tampoco casi ningun di e gobernantenan tampoco no ta interesa pa mira esaki y trece posibel solucionnan.
Sinembargo Hubert Dirksz ta conoci como un comerciante hopi activo y ta cana dilanti prome cu posibel problemanan presenta a realisa cu Aruba no tin un departamento pa trece tipo di solucionnan asina, a pone cu di nan mes como compania a tuma e decision di haci e analisisnan.
Mas of menos 10 aña pasa a busca un alternativa pa cu galiña y awe por bisa cu na e momentonan aki casi 100% di nos galiñanan ta bin di Brazil. Asina aki tambe tin algun otro productonan cu a haya alternativa pa nan cu ta mas cerca y of mas barata.
Lamentabel di henter e proceso aki ta cu hopi biaha e gobierno di Aruba mes ta esun cu ta stroba e comerciante di desaroya e parti di cu por haya producto nan alternativa enbes di busca mas caro na Merca. Atrabes di leynan ta indica unda si y no por y cu di un of otro manera ta wordo forsa pa cumpra di otro Mercado cu di un principio no ta nos mercado.
Geograficamente Aruba ta un Pais Caribense cu ta cerca di sur America, pero si gobienro ta oblica e comerciantenan cumpra for di Hulanda cu ta hopi mas leu cu Miami e situacion ta bira hopi mas dificil. Banda di tur cos Hubert Dirksz ta kere cu mester sosode algo sino ta yega un momento cu prijsnan ta bira impagabel. Tin ley nan cu ta stroba y ta e tarea di gobernantenan pa haci cambio na e leynan.
“Regeren is vooruitzien” y esaki ta conta pa e comerciantenan tambe pa por tin un negoshi exitoso, sinembargo na momento cu comerciantenan ta practica esaki y e politiconan no, Aruba ta den un problema serio pa desaroyo positivo y na beneficio di e cuidado nan na Aruba y comercio. Tanten cu no cuminsa mira e impacto cu ta bin y busca un solucion pa por tin alternativa di productonan e prijsnan na Aruba lo keda halto.