Riba 16 di Mei último Zr.Ms. Groningen a interseptá un transporte di droga di kasi 2 ton den Region Karibe.
Dos go-fast a keda deskubrí pa e avion marítimo di patruya di Wardakosta Region Karibe, despues di kua Zr.Ms. Groningen a drenta den akshon. Zr.Ms. Groningen a pone rumbo pa e go-fast nan i a lansa despues e helikòpter Merikano i su botonan rápido di intersepshon ku tin a bordo e Skuadron di Flota di Marina i LEDET (Law Enforcement Dog Encounters Training) di Wardakosta Merikano.
E kontrabandistanan sospechoso no a entrega nan mes sin mas. Esei a sosedé numa despues di disparonan dirigí riba e motornan di e botonan. E kuater sospechosonan i e total di 2177 kg di kokaina a keda entregá na Wardakosta Merikano. Entretantu e droga a keda destruí i e sospechosonan lo keda pèrsiguí na Merka.
Zr.Ms Groningen ta aktivo atrobe desde aprel 2024 den Region Karibe. Esaki ta e di tres transporte di droga interseptá. E barku di Marina hulandes ta keda lansá entre otro pa operashonnan kontra droga den kolaborashon variá ku Wardakosta Merikano i Wardakosta Region Karibe Hulandes.