Mayor di marineronan Niels Houtenbos a tuma mando di e Destakamentu Marino na Sint Maarten riba djaweps 28 di novèmber 2024. El a tuma e mando over for di mayor di marineronan Arie Noordam. Esaki a sosodé durante un enkuentro seremonial na bordo di Zr.Ms. Holland. Durante e seremonia vários dignatario tabata presente, entre nan Gobernador di Sint Maarten, Sr. Ajamu Baly, President of Parliament Sarah A. Wescot-Williams, i Minister Presidente Luc Mercelina.
E komandante nobo Houtenbos ta sigui ku e liña aktual di su predesesor. E ta komprometé pa garantisá ku e Destakamentu Marino ta kla pa wòrdu desplegá rápidamente, awor i den futuro, ora outoridatnan hasi petishon pa esaki. Dentro di Karibe en general i tambe riba i rondó di e Islanan Ariba en partikular. Ademas, e lo enfoká riba planifikashon y preparashon pa e Punto di Apoyo nobo pa e destakamentu.
Komandante saliente Arie Noordam ta mira bek riba un periodo spesial: “Den e último añanan nos a duna asistensia militar na diferente okashon, manera durante di e pandemia di COVID-19, despues di Tormenta Tropikal Fiona (2022), despues di Orkan Tammy (2023) i durante e elekshonnan di verano último. Ademas, nos a partisipá na diferente ehersisio internashonal manera Caribbean Urban Warrior (Merka), Eagle Eye (Saba & Statia) i Liamiuga (St. Kitts & Nevis)”.
E Destakamentu Marino na Sint Maarten ta konsistí di 29 militar, prinsipalmente marineronan, i ta un unidat di Defensa den Karibe. E destakamentu ta dividí den un sekshon di Raiding, grupo di boto, staf i personal di asistensia.
