E iniciativa pa introduci e Rijkswet HOFA a crea controversia grandi den politica Arubano. Parlamentario y lidernan politico, inclusivo Mike Eman, Geoffrey Wever y Gerlien Croes, a wordo critica pa su maneho, cual ta considera falta di conscientisacion, “consensus” y participacion di Parlamento, sindicato y pueblo di Aruba.
Den un historico movecion, Wever a sinta riba stoel di RAIZ den gobierno y, despues di un periodo di libertad, a forma su propio partido FUTURO hunto cu parlamentario independiente Gerlien Croes. E accion aki a genera pregunta den comunidad: Partido FUTURO, un futuro real pa Aruba of simplemente un strategia pa destruccion polítiko y status Aparte di Pais Aruba ?
Segun analista, minister Wever su maneho a crea un ambiente di desorganisacion den gabinete, unda ta desvia di structura politico regular.
Ademas, minister Wever a promove e Rijkswet HOFA, cu segun e gobierno, lo duna Aruba beneficio economico. Sinembargo, criticanan a señala cu e ley ta prefera interes di Hulanda riba e di Aruba, y cu e minister ta considera como un “entreguista” di soberania Arubano.
Gerien Croes, lider di FUTURO, tambe a tuma paso cual a crea controversia. Su campaña contra status aparte y su maneho den Ministerio a crea tension, specialmente riba hobennan y comunidad di pueblo. Ademas, su decision pa no nombra un ministro Plenipotensiario na Hulanda durante un aña a genera critica internacional y falta di confiansa den su maneho. e mandatario a Doek OP un departamento esencial pa proteha nos muchanan y hobenan na Aruba, Tambe Minister Gerlien Croes te dia di awe no a contesta parlamento riba su viahe di Privte Jet cu ta un falta di respet pa parlamento di Aruba y e pueblo di Aruba.
Prome Minister Mike Eman a wordo critica pa su papel den maneha Pais Aruba di situacion politico. Segun analis, su falta di intervencion den controversia cu Wever y Croes ta percibi como un manera pa mantene pueblo desinforma y ignorante riba impacto real di e desicion di gobierno. Tambe no ta desconoci cu prome minister Mike Eman lo a baha como lider di partido AVP pa september, pero informacionnan cu ta drenta na nos mesa di redaccion cu Prome Minister Mike Eman tin interes pa poseciona su mes como gobernador di Pais Aruba, e pregunta ta keda, esaki a keda palabra caba na Hulanda a cambio di HOFA? si e deseo aki ta un realidad.
Finalmente, Parlamento di Aruba a keda cu critica pa su falta di control y capacidad pa para abuso politico. Presidente di Parlamento Marlon Sneek a wordo acusa di censura parlamentario y proteha agenda di gobierno, cual ta limita transparencia y debilita democracia.
Analista politico a enfatisa cu e parlamentario nobo di AVP y FUTURO no ta logra cumpli expectativa pa pueblo. Nan falta experiencia y liderazgo, y su maneho di Rijkswet HOFA ta considera come falta di amor pa Aruba y Pueblo di Aruba cu nan ta bishita durante campanja, segun experto, mester sigui e desaroyonan y evalua ken realmente ta traha pa interes di e isla.Parlamento na e momentonan aki ta parce un parlamento di Banana republiek “Stempel parlament”