Featured Local Politica

Minister di enseñansa y deporte sr. Endy Croes a reuni cu director di tele Aruba


Recientemente e mandatario a reuni cu director di Tele Aruba, sr.
Giovanni Kock. E reunion a bay den un ambiente ameno y a elabora riba diferente
proyecto manera entre otro; un programa educativo di scol pa cas. E meta di e
proyecto ta pa trece lesnan general di tur materia den curriculo di cada nivel di scol
na television den idiomanan Papiamento, Ingles, Hulandes y Spaño. Di e manera aki
yuda enrikece e desaroyo di cada alumno di chikito te grandi. Tambe tin como meta
pa yega den tur hogar, pa asina niun mucha/hoben/ adulto no keda atras. Television
Educativo ta un serie di programa cu lo wordo presenta tur dia cu diferente materia
segun cada nivel di enseñansa. E lesnan lo wordo duna pa nos docentenan. E
programa lo inicia na 2022 via di Tele Aruba.
Alabes a trata e posibilidad pa Tele Aruba transmiti e weganan di Grandes Ligas di
nos astro Xander Bogaerts. “Esaki ainda ta un punto di negociacion”, e mandatario a
enfatisa.
E maneho cu Ministerio di Enseñansa, lo aplica como compas den e proximo 4
añanan ta e “Sustainable Development Goal” number 4; calidad di enseñansa esaki lo
dirigi nos maneho pa yega na solucionnan y mehoracion den enseñansa di nos pais.
Enseñansa ta un di e motornan di mas poderoso cu ta comproba cu ta garantisa
desaroyo y sostenibilidad. Minister Endy Croes su deseo y empeño ta pa soluciona
problematicanan mas tanto posibel, crea espacio pa trankilidad, paz y mehoracion
den e tereno di Enseñansa.

 

Related posts

Awe 15 di febrüari 2021 tin 13 kaso aktivo di Covid-19 na Boneiru

EA News Author

Partido POR no tin nada di haber cu ex politico otmar Oduber su caso

EA News Author

Parlamento den un manera diferente awe a trata e presupuesto 2020 di pais Aruba

EA News Author

Leave a Comment