PoliticaFeatured

Minister Xiomara Maduro a bishita Archivo Nacional Aruba

Bishita Di Trabao Na Archivo Nacional 06

Recientemente, pa sera conoci cu e departamentonan cu ta resorta bou di Ministerio di Finansa y Cultura, Minister Xiomara Maduro a bishita Archivo Nacional Aruba (ANA) pa cera conoci cu e personal y e trabounan cu ta wordo haci pa e departamento. 

E bishita a cuminsa cu un reunion cu e staff di ANA, encabesa pa e director Sr. Raymond Hernandez. Durante e reunion aki, Minister Maduro a haya un bista di tur locual ta trata e trabounan cu ANA ta haci, e importancia di e trabou aki pa Pais Aruba, e retonan cu tin awor y esnan cu futuro lo trece cun’e mirando e desaroyonan mundial cu tin riba e tereno di archivo y su conservacion como patrimonio nacional.

Despues di e reunion, Minister Maduro a cera conoci cu e personal di ANA y nan trabou. Durante e recorido, Minister Maduro a haya un bista di e proceso di archivo di documentonan y a wordo sorpresa cu e file di su defunto Tata, kende como director suplente di Bureau Interne Diensten, a percura pa traha riba e arhivo historico nacional pa nos Pais. Minister Maduro a haya e oportunidad tambe pa por admira e buki di mas bieu den e coleccion di ANA, cual ta e buki titula ‘Rekwesten 1816 -1839.’ E mandatario a presencia e proceso di restauracion di un di e bukinan di mas bieu cu ANA tin den su coleccion. E buki ta data di aña 1867. Minister Maduro a tuma parti tambe na e proceso di conservacion, aplicando un lijm special na un di e documentonan y cu esaki a yuda conserva e documento aki pa e proximo 100 aña. Na final di e recorido Minister Maduro a ricibi e ‘stamboom’ di su famia como un bunita recuerdo di su bishita na ANA.

Minister Maduro ta gradici e director y henter e personal di ANA pa un mainta informativo pa por a haya un bon bista di e importancia di ANA su trabou pa warda, cuida y proteha e archivo cu tin balor historico pa nos Pais. 

Bishita Di Trabao Na Archivo Nacional 01Bishita Di Trabao Na Archivo Nacional 08Bishita Di Trabao Na Archivo Nacional 02Bishita Di Trabao Na Archivo Nacional 03Bishita Di Trabao Na Archivo Nacional 04Bishita Di Trabao Na Archivo Nacional 05Bishita Di Trabao Na Archivo Nacional 06

Related posts

Awacero di varios intencidad  ahinda ta wordo spera durante awe kisas te cu diasabra

EA News Author

Persona cobando pa pone nan tent a bin encontra cu pakinan di droga

EA News Author

Indicacion cu incendio grandicimo na Grecia ta intencional

EA News Author

Leave a Comment

Whatsapp Message