No ta un secreto cu un di e coredonan di brommer cu a bin di Boneiro a haya su mes den un acidente basta grave. E hoben Boneriano Keith di Iron Rockets Bonaire a haya su mes cu un accidente na Meiveld na momento cu un Nissan Kicks saliendo for di e supermercado pa un motibo of otro no a duna preferencia na e motociclista y e no tabata por a desvia y a bay dal riba e auto. Debi na e impacto tanto e dama chauffeur como e motociclista a resulta herida y keda hiba hospital. S.A.A di Iron Rockets Bonaire Saimond Janga ta na cabes di e grupo di Boneiro na Aruba y a duna di conoce cu nan miembro ta stabiel pero nan ta tratando cu ne debi cu e mester bay haci un operacion na Colombia. E hoben Keith a fractura su kaak y e tin basta sla na su pulmon. S.A.A di Iron Rockets Bonaire Saimond Janga ta duna di conoce cu diadomingo anochi a dedica un speech na miembro di Iron Rockets Bonaire cu a haya su mes den un accidente y cu e mester bay rumbo Colombia pa opera enbes di bay Boneiro cas bek. EAnews ta desea Keith pronto recuperacion.
Motosiclista accidenta di Iron Rockets Bonaire mester sali rumbo Colombia pa opera
