Na Boneiro: Temporalmente no ta tuma petishon pa pèrmit di arma di kandela den tratamentu

Kuminsando for di awor, temporalmente no ta tuma petishon nobo den tratamentu
pa outorisashon pa hende privá disponé di arma di kandela. Esaki ta konta tantu pa petishon di
hende ku ke un promé arma, komo pa hende ku un outorisashon eksistente ku ke haña un arma
adishonal.
Petishon pa prolongashon di un outorisashon eksistente sí ta tuma den tratamentu ainda. Esaki ta
konta tambe pa petishon pa importashon di munishon òf piesa pa arma, pa kua ya kaba a duna
outorisashon.
Dikon e desishon akí?
Gezaghèber di entidat públiko Boneiru a tuma e desishon akí despues di a konsultá ku triángulo.
Debí na un oumento di insidente (violento) ku arma (di kandela) ilegal, tin nesesidat pa un mihó
kontròl pa loke ta trata importashon legal i uso di arma di kandela. Tin indikashon ku ta hasi uso di
arma legalmente importá den kaso di insidentenan violento, pero akuerdonan antikuá i un falta di
maneho ta hasi e riesgo pa maluso òf malkomprendementu mas grandi.
Kiko ta bai pasa awor?
 Maneho nobo: Gezaghèber ta traha huntu ku triángulo riba maneho nobo pa arma di
kandela. Ta enbolbí partidonan importante, manera asosiashonnan di tiru, ku esaki.
 Reanudashon di petishon: Asina ku a stipulá i anunsiá e maneho nobo, ta tuma petishon
pa outorisashon nobo den tratamentu atrobe.
 Siguridat: Huntu ku triángulo, gezaghèber ta sigui traha riba redukshon di insidente
violento ku arma di kandela. A bolbe indiká algun área di riesgo di siguridat te 19 di mei
2025 i ta investigando kon por fortifiká prevenshon di kriminalidat hubenil.