Hefe di departamento di enseñansa, Cultura y Ciencia (OCW ) Caribe Hulandes Nolly Oleana a haci un bishita di despedida na Saba. E la reuni cu conseho ehecutivo y na final a reuni cu gobernador di Saba Jonathan Johnson unda cu Oleana a ricibi un buki cu ta papia riba Saba.
Nolly Oleana tabata hefe di enseñansa, Cultura y Ciencia (OCW) di Caribe Hulandes desde 2015 y a dura 7 aña y mei den e posicion aki. Tambe Oleana tabata presente na Saba como politico y cu tabata atende e situacion di edificionan di scolnan na Saba. E ministerio di educacion,Cultura y Ciencia a inverti hopi den educacion na Saba mescos cu Boneiro y St Eustatius desde cu e islanan a forma parti di Hulanda na 2010.
E edificionan di cada scol a bira mas miho unda nan a crea miho condicionnan laboral. A crea un structura di studiante cu necesidad special y tambe cada scol a ricibi muebels, a crea miho condicion laboral den educacion, a duna oportunidad pa docentenan upgrate y a atende e parti financiero tambe.
Durante cu Oleana tabata hefe na Saba a logra hopi pa e scolnan di Saba , pero mester bisa tambe cu ainda no a yega na unda mester yega. Ainda tin un cantidad di situacion cu mester haya atencion , segun Nolly Oleana. E necesidad di pone atencion riba e multilengual pa e studiantenan ta un parti cu ta rekeri hopi atencion y tambe e parti di digitalisacion den educacion.
Tambe tin mester di apoyo y participacion di e mayornan y e negoshinan. Tin un rol hopi importante pa e negoshinan no solamente pa nan por duna placa, pero tambe pa nan profesionalnan por trece nan trabao padilanti pa asina e hobennan por mira e tipo di trabao cu ta keda haci, specialmente den e educacion vocacional, asina Oleana a duna di conoce. Porehempel un panadero siña e studiantenan riba su profesion.
Pa loke ta trata e proyecto di reconstruccion di e scolnan y construccion di e edificio nobo nan di scol Oleana a duna di conoce cu e mandatario di OCW y e identidad Publico di Saba ta trahando hunto pa logra, mirando cu esaki ta un responsabilidad conhunto y ta spera cu den algun aña ambos scol ta mustra hopi mas miho unda cu ta haci cu e studiantenan , e personal y e mayornan ta sintinan bon y orguyoso.