Den fin di siman varios critica a bin padilanti pa sushi cu ta keda benta pa parha dilanti hotelnan grandi. Berdad ta si nos kier yuda cria nos animalnan no ta nada malo, pero na e manera cu ta wordo haci no ta apropia.
Dilanti di negoshinan prestigioso por a tuma nota di cumindanan cu a keda benta pa alimenta besta. Kisas e motibo ta pa algo bon pa nos parha nan pero na e manera y e sitio no ta esun mas adecua.
Pa di prome e ta riba tereno publico pero tambe unda turistanan ta frecuenta. Esaki sigur no ta trece un bon bista. Ban nos tur cu ta stima e pida baranca aki pa cuide y tinele limpi . Pero loke ta mas prinsipal ta, pa nos conserva nos prome pilar economico cu ta e turismo di Aruba pa nos mustra cu nos ta un pais limpi.
