Den oranan di atardi lider di PPA Otmar Oduber a yega cu su caravana na St Dominicus College pa por deposita su voto, e politico tabata hunto cu su kerida mama y yiunan , pero tambe cu tur su fanaticonan cu a kere den dje y ta confia den su persona cu e tin e sabiduria pa haci un diferencia den politica di Aruba.
Otmar Oduber a yega St Dominicus College cu hopi energia y ta duna di conoce cu den e ultimo simannan e la sinti cu Aruba a sostene su persona grandemente y Otmar Oduber ta sumamente contento pa e sosten ricibi. Partido PPA a Sali cu un programa cu a traha hopi duro riba dje y a presenta un vision di 25 aña, un plan pa cuminsa ehecuta unabes cu por ta den parlamento na prome luga y despues cu por forma parti di e gobierno aki.
Na mes momento Otmar Oduber ta duna di conoce cu e la forma parti di varios eleccion, e la pasa den politica hopi sushi , pero e no a spera cu e aña aki por kere cu a pasa den un eleccion asina aki di diferente atakenan asina baho, pero e bon ta y e dushi ta cu e pueblo aki ta responde riba hende drechi, sincero, hende cu tin un plan pa traha pa Pais Aruba. Hopi a trata di mancha mi nomber pero no a logra.
