Dangui Oduber pa 2:30 di atardi hunto cu su famia ,mayor, rumannan y su sostenedonan a bay hunto na centro di bario playa pabou pa asina deposita su voto. Di e manera aki e politico ta celebra democracia paso esaki ta un dia pa Aruba celebra un democracia bibo tur ciudadano na Aruba ta biba aden y celebra hunto cu su siguidonan den madiki.
Dangui Oduber ta kere cu esaki ta muestra cu na final di e anochi ta bay tin sorpresa den madiki tambe. Dangui Oduber awo riba lista di MEP ta number 2 y esaki ta muestra cu e la traha duro pa por haya e confiansa di su votadonan y a hiba e politico na number 2 riba lista di MEP. Pero e berdad ta cu ta traha mane un team unda cu tin 29 candidato cada un cu nan experticio. Si partido MEP gana awe nochi esaki ta significa cu partido MEP lo marca historia awe nochi cu ta bay goberna Aruba pa tres periodo consecutivo.
Dangui Oduber ta kere cu e prioridad number uno ta mehora e poder di compra pa e costo di bida y awo cu tin espacio financiero unda cu situacion di gobierno a mehora por haci e pasonan aki. Mester mehora e calidad di bida di nos cuidadonan y esaki ta prioridad riba lista di MEP pa haci asina cu drenta gobierno. MEP ta e unico partido cu a demostra cu por pone Pais Aruba bek den stabilidad pa por sigui bay padilanti.
