Featured Local

Pa sindicatonan no tin nada preto riba blanco pero pa Hulanda tur cos


Un tiki mes respet pa no bisa mucho mas respet, ta wordo rekeri pa sindicatonan di trahadonan di gobierno, ya cu e ta sinti humiyante ora c’un Prome Minister di e pais, nenga di pone un acuerdo cu e logrando cu Hulanda, preto riba blanco pa e sindicatonan.

 

Parlamentario pa fraccion di AVP, Arthur Dowers a mustra cu e wega di Evelyn Wever Croes lider di MEP, a bira un tradicion caba den su prome y di dos gobierno, caminda no solamente e ta manipulando cu sindicatonan di trahadonan publico pero tambe ta haci ridiculo su miembronan den e fraccion geel den parlamento.

 

“Lidernan sindical a mustra Prome Minister den un forma bergonsoso, cu nan no ta kere cen su ‘fabeltjes’ mas ya cu el a felicita tur hende luna pasa cu trahadonan publico lo ricibi 5% di e recorte salarial bek riba nan salario di luna di Juni, pero ayera ningun hende a haya esaki, ya cu e decision no ta di Evelyn Wever Croes y su gobierno.

 

CAft den forma bon cla, a pone e Prome Minister na waterpas, mustrando bon cla na su persona cu e no por kita nada, tampoco su gobierno, ya cu tin un acuerdo firma caba cu Hulanda pa e propio Evelyn for di 2020 caba caminda a oficialisa e reduccion salarial aki.

 

Despues di cantidad di manipulacion y mentira di parti di Prome Minister, e kier calma sindicatonan bisando cu eliminacion di e 12.6% ta bay bira un realidad pa 2023, sabiendo cu e decision no ta den su man pero den man di CAft.

 

Riba peticion di sindicatonan cu nan kier e promesa aki preto riba blanco, esta cu pa luna di Juni lo duna bek 5% y pa Januari 2023 e 12.6% lo ta restableci, ata di repente esaki no por ya cu ta depende di loke CAft a dicidi e siman aki y kico RijksMinisterraad ta dicidi.

 

Tristo di e caso aki ta e hecho cu Evelyn Wever Croes no por pone net nada preto riba blanco pa sindicatonan pero na Den Haag tin cantidad di carta, di acuerdonan cu el a firma sin mas, sin consulta cu sindicatonan, sin consulta su propio gabinete y sin consulta cu Parlamento na momento cu el a dicidi di bay firma e acuerdonan aki.

 

Esey ta e forma con Prome Minister di Aruba ta actuando, a hungando weganan peligroso caminda e pais a coriendo riesgo di perde tur su autonomia cu tantgo a bringa p’e pa motibo di tin un Prome Minister incapacita sin vision guiando e pais,” Parlamentario Arthur Dowers a declara.

 

Parlamentario Dowers a agrega cu ta for di 2018 Evelyn Wever Croes a firma tur documento cu Hulanda a pone su dilanti, a firma hasta su propio cartanan di sugerencia manera reduccion salarial di 12.6% cu ta di dje, reduccion di 5 miyon den cuido medico cu tambe ta di dje.

Related posts

No mester di tèst antigéniko pero si tèst di PCR ora ta bini Boneiru for di Kòrsou, Aruba i Sint Maarten

EA News Author

Awe 15 di mart 2021 tin 253 kaso aktivo di Covid-19 na Boneiru

EA News Author

Cft: “Recuperacion presupuestario fragil di Corsou na 2022 y 2023; mester controla e gastonan”

EA News Author

Leave a Comment