PoliticaFeatured

Parlamentario Shailiny Tromp-Lee a participa na e congreso di SER en conexion cu nan 35 aña di existencia

Parlamentario Shailiny Tromp Lee A Participa Na E Congreso Di Ser En Conexion Cu Nan 35 Ana Di

Diaranson 19 di october como Lider di Fraccion di MEP Shailiny Tromp-Lee a participa na e congreso di Sociaal Economische Raad (SER) en conexion cu nan celebracion di 35 aña di existencia. E congreso tabatin como nomber: ‘Dynamiek Tripartiet Social Dialoog binnen Sociaal Economische Raden’. 

Durante e atardi diferente orador a hiba palabra e.o., nos Minister President sra. Evelyn Wever-Croes, Minister Wever, Secretaris/director SER Hulanda, Sint Maarten y Curaçao. Accento tabata mas tanto riba e  historia di e organo y e rol importante di SER pa nos pais y comunidad. Alabes a pasa riba e progreso cu nan como organo a conoce durante añanan y kico ta nan retonan. Otro aspecto hopi interesante cu a keda presenta ta nan realcion cu e metanan di desaroyo sostenibel.  Cada SER riba nan mes tin diferente proyecto y metanan pa futuro y a para keto na kico tur tin den tapara den e luna y añanan nos dilanti. 

Manera nos Minister President corectamente a trece padilanti, SER como un organo di deliberacion y conseho independiente den e sistema democratico semper a percura pa e ‘checks and balances’. Alabes mediante SER e partnernan social tabatin e oportunidad pa contribui na e maneho socio economico di Aruba. Consehonan di SER ta keda consulta y ta di balor pa e proceso di tuma decision pa cu stipulacion di maneho of proyecto. Algo cu sigur, mediante ehempelnan, a keda enfatisa pa Minister Wever. 

Shailiny Tromp-Lee ta contento di por a forma parti di e dia aki y ta yama un biaha mas masha pabien na SER y ta deseanan tur clase di exito den nan trabou. 

Parlamentario Shailiny Tromp Lee A Participa Na E Congreso Di Ser En Conexion Cu Nan 35 Ana Di

Related posts

Sesion brainstorming di AVP cu mundo di enseñanza

EA News Author

Minister Geoffrey Wever ta keda persisti riba HOFA contra tur deseo di pueblo di Aruba

EA News Author

Formador Mike Eman :Tin ideanan grandi y positivo pa Pais Aruba

EA News Author

Leave a Comment

Whatsapp Message