Minister Geoffrey Wever mustrando su berdadero cara y su arogancia , no ta papia di HOFA, pero ta sigui cu su agenda cu e ley di reino HOFA , den un counicado e mandatario ta declara cu a reuni cu KvK pa fortalece clima di inversion y acelera reforma economico. Diahuebs mainta Minister di Finansa, Asunto Economico y Sector Primario, Geoffrey Wever, a reuni cu representantenan di Camara di Comercio y Industria Aruba (KvK) pa intercambia pensamento riba un serie di prioridadnan strategico cu ta contribui na un economia mas fuerte, mas competitivo y mas resiliente.
Durante e reunion, Gobierno y sector priva a reafirma e importancia di un dialogo continuo pa impulsa reformanan cu ta fortalece confianza den economia y crea un miho ambiente pa inversion y desaroyo empresaria, segun e mandatario.
Un di e temanan principal tabata e siguiente pasonan den implementacion di e Landsverordening Waarborging Houdbare Overheidsfinancien (HOFA). Minister Wever a
splica cu disciplina financiero, supuesto transparencia y un maneho presupuestario responsabel ta esencial pa garantisa stabilidad economico a largo plaso y pa fortalece confianza di inversionistanan, empresarionan y institucionnan financiero den Aruba.
E mandatario no ta tene cuenta cu e pueblo cu a dune e derecho di sinta riba e stoel cu e ta sinta awe y ta sigui cu su plan di entreguista y haci loke cu e kier sin tene cuenta cu e deseo real di pueblo di Aruba.
Den cuadro di revitalisacion di e centronan urbano, minister Wever a duna un actualisacion riba e supuesto progreso cu Gobierno ta haciendo pa stimula inversion den Oranjestad y San Nicolas a cambio di entrega di e fundeshi di Aruba y e autonomia di Pais Aruba cu e ley di HOFA.
E reunion a trata tambe e efecto positivo cu e incentivanan fiscal por tin riba inversion priva y actividad economico. Gobierno ta sigui crea e condicionnan pa comercio local, empresarionan y inversionistanan por haya mas oportunidad pa inverti, crece y contribui na desaroyo sostenibel di Aruba a cambio di nan propio liberdad. Banda di tur cos na momento cu e ley aki pasa e comerciantenan ta consiente cu na momento cu HOFA pasa e compania nan Hulandes mas grandi na Hulanda cuminsa bin Aruba , nan lo keda existi na Aruba?
Riba e tema di regulacion di vacation rentals, manera Airbnb y otro plataformanan similar, minister Wever a comparti e progreso cu Gobierno ta haciendo pa implementa un cuadro regulatorio moderno cu ta garantisa competencia husto, proteccion di consumidor, un sistema fiscal balansa y un sector turistico sostenibel.
E maneho integral ta busca pa trece un balansa entre estimulacion di inversion y proteccion di interes di comunidad supuestamente. Durante e reunion a intercambia tambe pensamento riba e importancia di reduci e economia informal y fortalece cumplimento cu e reglanan vigente. KvK a presenta su iniciativa pa desaroya un campaña di conscientisacion tocante e economia informal, mientras cu tambe a papia di e progreso relaciona cu e Ultimate Beneficial Owner (UBO), simplificacion di procesonan administrativo y e siguiente pasonan pa modernisa e sistema di permiso empresarial.
Minister Wever a reafirma cu Gobierno ta comprometi na sigui reduci burocracia, aumenta
eficiencia den servicio publico y crea un ambiente comercial cu ta duna empresarionan mas certesa y menos obstaculonan administrativo.
“Un economia fuerte no ta wordo construi solamente cu bon cifranan financiero, sino cu confianza, colaboracion y vision comparti, cu practicamente no tin den e gobienro di AVP –FUTURO pa e pueblo general. Segun Minister Geoffrey Wever Gobierno ta sigui traha hunto cu sector priva pa implementa reformanan pa fortalece nos clima di inversion, crea oportunidadnan economico y prepara Aruba pa e desafionan di mañan.
Segun e mandatario solamente hunto nos por sigui construi un economia moderno, resiliente y duradero pa tur hende den bista di minister Geoffrey Wever cu practicamente ta pusha un economia cu si nos sinta pensa y para keto un rato , Aruba por carga esaki si nada di e aparato gubernamental ta drei debidamente?, of ta comercio kier sinta den stoel di politico?.