Local

Pastor Marcel Balootje: Reflexion: cada dia e binida di cristo hesus, ta mas serca.

Reflexion Cada Dia E Binida Di Cristo Hesus Ta Mas Serca

Tin hende cu no kier kere.

Tin hende cu no kier tende, 

Tin cu no kier scucha, 

Tin cu ta chercha, 

Tin cu ta hopi nervioso,

Tin cu ta rebeldia y manifesta contra Su palabra,y Su principionan.

Tin cu no kier acepta, pero nada no por para e binida di nos Señor Cristo Hesus. 

Y mas mihor ainda ta cu e dia ni e ora ningun hende no sa, ni e Yiu mes no sa , ni tampoco e angelnan di cielo no sa, solamente e Tata so.( Papa Dios so sa ta ki dia .Mateo 24;36).

Den Mateo capitulo 24 +25 Señor Hesus a papia cla tur e cosnan cu ta na caminda y cu lo ta e señalnan di su binida, pero e a bisa tambe cu hopi lo bay contra, y tambe cu hopi lo no kier arepenti, y hopi lo bini den su nomber, pero nan no ta di dje, por fabor tene bon cuenta di esey, pasobra satanas ta capas di disfrasa na tur cos. 

Solamente Cristo Hesus por garantisa bo salbacion, y ta abo mes , mester entrega bo bida na Cristo Hesus , ( Efesionan 2:8+9).

Pero mirando e acontecimento mundial, con tin guera y rumor di guera y con e atake contra famia, matrimonio y mucha (Hobennan) ta creciendo nos mester wak Daniel 11: 37 y nos ta compronde cu nos ta den principio di dolornan caminda nos ta mira con rond mundo e asunto di Abortus a lanta cabes y tambe con inmoralidad ta creciendo tur dia,nos tin cu tene cuenta cu ta hopi crueldad tin na caminda pa e mundo aki.

Tin hopi hende mara na idolatria, pasobra nan no kier kere e versiculo di mas conoci y mas facil na mundo: Pasobra Dios a stima mundo asina tanto, cu E a duna su Yiu unigenito, pa ken cu kere den dje no bay perdi ma tin bida eterna.( Juan 3:16) Solamente den Cristo Hesus tin salbacion.

Pero awor cu nos ta mira leynan ta cambia y malicia ta wordo aproba rond mundo, y scuridad ta wordo yama lus, y lus ta wordo yama scuridad. nos kier mustra tur hende riba lo siguiente y pa nos tur su wowo habri;

Isaias 10 : 1-3 asina Señor ta bisa: 

Ay di esnan cu ta dicta statutonan inhusto.

Y di esnan cu constantemente ta registra decretonan di tirania.

Pa kita husticia for di esnan cu ta den necesidad.

Y pa roba e pobernan di Mi pueblo nan derecho.

Pa haci buida bira botin pa nan.

Y pa nan plunder e werfano nan.

Awor kico boso lo haci den e dia di castigo?

Y den e destruccion cu ta bini for di leu?

Serca ken boso lo huy bay pa yudansa?

Y unda boso lo laga boso rikesa? 

Ya e tempo a pasa di stop di haci wega , pasobra salbacion no ta un religion, pero e ta un relacion intimo cu Cristo Hesus, den cual nos ta biba pa Cristo sperando su binida.

Den Romanonan 1;16 ta para scirbi : Pasobra mi no tin berguensa di e evangelio, pasobra esaki ta e poder di Dios pa salbacion pa tur cu ta kere.

Cu si bo confesa cu bo boca Hesus como Señor y kere den bo curason , Cu Dios a lant’E for di e mortonan lo bo ta salba. Pasobra cu curason hende ta kere pa haña husticia y cu boca e ta confesa pa haña salbacion.( Romanonan 10:9+10).

Si nos confesa nos picanan E ta fiel y husto di pordona nos, nos picanan y limpia nos di tur inhusticia.( 1 Juan 1:9).

Laga nos lesa 1 Thesalonisenenan 4 :13-18 y prepara pa Su binida.

Related posts

Envidia no ta hiba ningun hende padilanti traha duro pa bo mes ta bo propio progreso

EA News Author

Dakota a sa di marca historia un biaha mas “Campeon di Futbol Division AVB 2022”

EA News Author

Introduccion di investigacion di bida maritimo na Aruba

EA News Author

Leave a Comment

Whatsapp Message