Local

Pastor Marcel Balootje: Senjor kier usa nos man, pa su honra y gloria

Pastor Marcel Balootje Senjor Kier Usa Nos Man Pa Su Honra Y Gloria

Ta necesario ora nos ta den oracion y alabansa , pa nos halsa nos man na Senjor.

Ora nos halsa nos man nos ta expresa entrega completo na Dios.

Ora nos halsa nos man nos ta spera un milagro di Dios.

Nos ta halsa nos man ora nos ta den bataya di oracion.( Exodus 17:8-11)

Nos ta halsa man den obedencia na Dios.( Isaias 6:8).

Segun nos somete nos mes na Dios y busca crecemento den humildad dilanti di Dios, Dios por usa nos mannan pa haci milager.

Pasobra e palabra di Dios ta bisa den Marco capitulo 16:17+18 y ta splica bon cla cu si nos ta kere den Cristo Hesus, nos lo pone man riba enfermonan y nan lo sana.

Salmo 128:1+2 ta bisa: Bendiciona ta tur esnan cu ta teme Señor, cu ta cana den Su camindanan. 

Ora bo come di e trabao di bo mannan, lo bo ta feliz y lo bay bo bon.

Hopi biaha nos ta mira hende ta para man crusa durante, oracion y alabansa, en bes di hisa man na laira y ricibi bo bendicion.

Saulo di Tarso tabata un homber malvado prome cu e comberti,tur hende sa con e tabata persigi cristiannan hiba na bay sera, y tambe con e a consenti ora Esteban a wordo piedra, pero despues cu e a acepta Cristo Hesus su bida a cambia completamente y a sosode lo siguiente, pasobra su nomber a wordo cambia y nan a yame Apostol Pablo door di e yamada cu tabatin riba su bida, pasobra e a obedece Hesus sin nunca a mira Hesus, e tabata wordo yama Pablo Apostol di Hesus Cristo pa e boluntad di Dios.( Colosensenan 1:1).

Y den Hechonan 19: 11 ta para scirbi: Y Dios tabata haci milagernan extraordinario pa medio di man di Pablo, asina cu hasta nan tabata hiba lenso of lantera di su curpa pa e hendenan malo, y e enfermedadnan tabata kita for di nan, y spiritonan malo tabata sali for di nan.

Aki nan nos por mira cu e mannan cu antes tabata wordo usa pa maldad awor ta wordo usa door di Dios pa haci milager.

Pesey mi kier pa e hombernan di tur lugar haci oracion, hisando mannan santo sin rabia y sin pleito. (1 Timoteo 2:8).

Y awor Josue yiu homber di Nun, tabata yen di Spirito di sabiduria,pasobra Moises a pone man riba dje y e yuinan di Israel tabata scuche y tabata haci manera Señor a ordena Moises.( Deuteronomio 34:9).

Ora nos ta sirbi Dios cu seriedad, cu temor, fe , firmesa, humildad y balentia, nos por pone man riba otronan y Dios lo glorifica su mes den nan bida , pa nan tambe bira siervo serio den Señor.

Asina lo mi bendiciona Bo tanten cu mi tin bida, den Bo nomber lo mi halsa mi mannan ( Salmo 63:4).

Ora nos halsa nos man na Dios aunke cu nos no tin forsa, Dios ta contesta cu forsa pa nos, pasobra Dios ta balora tur esfuerso, E mes ta bisa nos, pa nos esforsa y sea balente, pasobra Dios ta cu nos.

Tin un gran beneficio ora nos halsa nos mannan na Dios Salmo 141:1+2 ta bisa: O Señor mi ta sclama na Bo, bin liher serca mi.

Laga mi oracion wordo poni bo dilanti manera sencia, e halsamento di mi mannan manera e sacrificio di atardi.

Den bo hogar hunto cu bo famia, como mayor siña bo yuinan for di chikito con halsa nan man na Dios den oracion y alabansa, y spera cosnan grandi di Dios tur momento.

Related posts

Hurista Jaybert Dijkhoff: Sala yen riba anochi di informacion di fundacion SIKI na centro di bario Dakota

EA News Author

Scol Montessori na San Nicolas no lo cera su portanan

EA News Author

Clubnan a papia y kier un bestuur nobo cu tres candidato nobo y un candidato den bestuur anterior

EA News Author

Leave a Comment

Whatsapp Message