Local

Pastor Marcel Balootje: Ta posibel sigi biba sin confesa nos pica ?

Pastor

Confesion no a bay for di moda , confesion tey pa tur esnan cu ta kere den Cristo Hesus, y kier agrada Dios cu nan  bida, canando asina den Su luz, y haci nan relacion mas fuerte cu Señor.

Confesion ta trece Sanacion.

Confesion ta trece Libertad.

Confecion ta corre cu Hipocrecia.

Confecion ta trece Humildad.

Confesion ta trece

Reconciliacion cu Dios y hende.

E enemigo semper lo hinca den hende su cabes pa Ninga, Minimalisa, Purba sconde of cubri nos pica, of tira Falta riba otro.

Hopi no ta realisa cu e enemigo kier gaña nos pa  keda wanta e pica aden y sin confesa asina nos ta bira defensor di mentira y hipocrecia, y esclavo di pica y esey poco poco ta causa nos caida y aleha nos for di Dios.

Pero  Cristo Hesus a muri pa nos picanan riba e cruz na Calvario, pakico nos mester biba den pica?, si nos por confesa y keda liber di pica, pasobra  pica ta trece berguensaa, tristesa, gruñamento, y murmuracion.

Confesion ta importante pa bo relacion cu Dios, y bo prohimo pa bo curazon por tin paz, y hopi importante cu un simpel confesion por trece paz den bo hogar y den henter bo famia.

Awor aki hopi hende ta bao di depresion, awel confesion ta un remedi hopi importante pa cura depresion, pasobra bo ta wordo cura prome cu bo yega dokter.

Confesion ta entre abo y Dios, pa bo dobla bo rudia dilanti di Esun cu sa tur cos di bo, y habri bo boca y papia cu Dios y ricibi pordon di Dios pa bo pica y restaura bo relacion cu Dios.

Den Salmo capitulo 32 vers : 5 David a bisa: Mi a admiti mi pica na Bo, y mi inikidat mi no a sconde,mi a bisa, Lo mi confesa mi trangreshonnan na Señor  y bo a pordona e culpa di mi pica.

Locual a haci David un varon comforme na Dios su curazon, no ta e cantidad di guera/bataya  cu e a bringa, pero su obedencia, confesion y humildad a hacie un varon di Dios.

E motibo importante pa nos confesa nos pica ta, cu mientras tanto nos no confesa, diabel ta sigi acusa nos dilanti di Dios, y nos comunicacion cu Dios ta kibra , manera ta para scirbi den 1 Juan 1 vers 6: Si nos bisa cu nos tin comunion cu Dios y sinembargo nos ta cana den scuridad,nos ta gaña y no ta practica e berdad.

Si nos bisa cu nos no tin pica , nos ta gaña nos mes y e berdad no ta den nos.

1 Juan 1 vers 9 ta bisa: Si nos confesa nos picanan, E ta fiel y hustu pa pordona nos nos picanan y pa limpia nos di tur inhusticia.

Ora nos ta den pica hende por probecha di nos, pasobra nan sa cu tin algo scondi den nos bida, y nan por usa e motibo ey pa perhudica nos.

Pero Dios den su inmenso amor, ta pordona nos , pasobra Su palabra ta bisa nos cu cualkier persona cu bini na Cristo, persona nobo e ta y tur cos bieuw a pasa y a wordo haci nobo.

Hopi matrimonio, ta kibra of ta den kibra pa falta di confesion , pasobra  hende no kier acepta nan fout, y pidi despensa, y pordona  pero ta prefera di bay huez divorcia,kibra cu e promesa haci na Dios y perde nan Famia. 

Related posts

Sorpresa di antisocialnan na Kapel di altovista ta inaceptabel

EA News Author

Minister Xiomara Maduro ta informa: Dia 1 di juli ta haci 159 aña di abolicion di sclavitud door di Hulanda den e colonianan Surinam y AntiasHulandes

EA News Author

SETAR ta aporta na proyectonan di Back to School

EA News Author

Leave a Comment

Whatsapp Message