Local

Pastor Marcel Balootje: Ta tempo pa sali for di scuridad, y busca e lus di cristo hesus

Pastor

Y haci esaki, conociendo e tempo, cu ya ta ora pa boso lanta for di soño pasobra awor salbacion ta mas serca nos cu tempo nos a kere. 

Nochi ta serca di pasa, y dia ta serca di habri. Pesey laga nos pone e obranan di scuridad un banda, y bisti e armadura di lus.

Laga nos comporta nos mes decentemente manera den dia, no den parandiamento y den burcheria, no den inmoralidad sexual y den sensualidad, no den pleito y envidia. Ma bisti boso mes di Señor Hesus Cristo y no haci provision pa e carni, pa cumpli cu su mal deseonan.(Romanonan 13:11-14).

Pasobra Dios no a yama nos pa ta impuro,ma pa biba un bida santo. Pesey esun cu rechasa esaki, no ta hende e ta rechasa ta Dios, sino e Dios cu ta duna su Spirito Santo na boso.

Esnan cu ta rechasa Dios y su palabra ta birando grandi dia pa dia, y hopi hende no ta nota cu nan ta bayendo lew den nan capricho y bagamunderia,y nan ta purba di hala hopi hende nan tras, pero esnan cu conoce e Berdad lo para pa Señor, nan lo para firme, pasobra Señor su binida ta serca. 

Ki ora un hende ta rechasa algo? Ora e persona tende y sa bon.bon cu e ta robes, y cu tin prueba cu e ta den un eror, pero pa duresa di curazon, y capricho, y un curazon cu no kier arepenti e ta permanece den su rechaso na e Berdad di Diosy ta sigi den su maldad, malicia y inmoralidad.

Prome cu David comete adulterio cu Betsabe, e a busca informacion pa sa ken e muher ta.

Y nan a bise ta Betsabe yiu muhe di Eliam, esposa di Urias e Heteo.( 1 Samuel 11:3).

Pero toch e a sigi , y tur hende conoce sa e consecuencia cu esaki tabatin pa David su bida y su Famia.

Si e palabra di Dios ta bisa cu algo ta robes , y cu nos mester huy for di dje, y si nos sigi persisti cu nos mester hacie, na prome lugar ta un demostracion cu nos ta bobo, cabes duro , rebelde, y ta sigi den pasion inmoral ,bergonsoso y abominabel y no ta tene cuenta cu locual Dios ta bisa nos.

Y tur esnan cu rechasa e berdad di Dios lo hereda fierno. ( Galationan 5:19-21) esey no ta hende ta bisa ma ta Dios, mes ta bisa ( Juan 3:16-21).

Si nos mira dia tras dia con hende cu nos ta pensa cu mester sa mihor ta wordo gaña door di diabel, nos ta bin realisa cu nos den un situacion mas tristo cu morto. 

Pasobra nos ta mira con hende ta sembra pa nan mes destruccion.

Keriendo cu nan ta sabi, nan ta resulta di ta bobo, pasobra e esun cu sembra pa e carni lo cosecha corupcion, ma esun cu sembra pa e Spirito lo cosecha bida eterna.

Y nos tur ta bon na altura cu esnan cu rechasa e Yui di Dios lo bay perdi of mihor bisa lo termina den fierno, pasobra ta dos caminda tin sea cielo of fierno.

Esun cu kere den e Yiu tin bida eterno, ma esun cu no obedece e Yiu lo no mira nada , ma e furia di Dios lo keda riba dje.( Juan 3;36).

No lubida cu Dios ta Dios di amor, kende ta duna oportunidad na tur hende pa alcansa bida eterna pa medio di su Yiu Cristo Hesus.( Juan 3:16).

Related posts

Dr. Horacio E. Oduber Hospital ta hasi un analis di bishitantenan cu a acudi na Departamento di Emergencia durante e weekendnan di fiesta.

EA News Author

Pa un grupo selecta den nos comunidad Pronto e di 3 vacuna contra COVID lo ta disponibel

EA News Author

Situacion di COVID 19 ta un situacion di preocupa na Aruba

EA News Author

1 comment

Leave a Comment

Whatsapp Message