E pregunta semper ta keda dicon Departamento di Agricultura, Cria y Pesca ta keda
enfoca tur aña riba e siguridad di e Piscado. Claro nos mester keda haci esaki pa asina
e Piscado sea ta esun cu gran experencia of uno no experencia con cu bay bin, e
siguridad riba lama ta un sin discusion. Hunto cu nos seccion di pesca nos ta keda
recorda tur Piscado cu nan bida ta hopi importante.
Ora cu ta temporada di cuaresma Pisca ta bira manera oro. Tur hende tin e
tradicion y/of creencia pa esnan Catholico cu tur diabierna ta come Pisca pa e
temporada di cuaresma. Esaki ta conta pa e cuarenta dianan di cuaresma. Esaki ta haci
cu e demanda pa pisca ta bira ainda mas grandi. Si den dado caso bo sa bishita un
Piscado pa cumpra pisca lo bo bay ta hayabo cu fila largo di personanan cu ta interesa
pa cumpra maske ta un pida pisca pa pone riba mesa.
Den mayoria caso tambe cu tin biaha hopi ta esunnan cu ta keda cu gana paso Pisca a caba prome cu nan mes a yega. Hopi biaha nos tur ta desea di saboria un pida Pisca fresco riba mesa pero nos
no ta pensa e trayectorio cu e piscado ta haye aden y mas ainda e peliger cu e ta core
na momento di subi lama. Pa e motibo aki nos di Departamento di Agricultura, Cria y
Pesca Santa Rosa hunto cu seccion di pesca ta ofrece bo consehonan cu ta hopi bon pa
tene na cuenta ora di subi lama bay pisca. E consehonan aki no solamente ta yuda
prome cu subi lama, pero tambe durante cu bo ta riba lama piscando. Den dado caso
algo bay robes riba lama, famia y autoridad por tin un bista cua ta e rumbo cu e
piscadonan a bay y tur informacion por ta accesibel corecto pa autoridad of pa esnan
cu ta bai hasi e buskeda. Guia di Emergencia y Siguridad pa Piscado
Promove siguridad ariba lama;
E meta di e guia aki ta pa promove siguridad ariba lama. “Siguridad riba lama ta
responsabilidad di nos tur! Check pa semper bo ta prepara.” ta e lema cu ta ser uza.
Tambe nos a pone un “check list”: di articulo nan cu un piscado mester tin den su
boto pa su propio siguridad. Tur ta cu e meta pa sigui promove e siguridad ariba
lama.
E documento aki mester ta bibo y keda desaroya cada biaha. Cu esey nos
kiermen cu mester sigui agrega na dje, segun nos siña y segun tecnologia desaroya y
ekiponan nobo bini disponibel. Pa esaki ta sugeri pa instancianan tene charla y lectura
tocante siguridad ariba lama y ta urgi piscadonan pa atende esakinan.
Lo ta bon pa nos recomenda Rode Kruis, of Kustwacht haci un simulacro di un
piscado perdi ariba lama un bes pa aña. Tur instancia envolvi lo mester sigui e
procedura palabra cu anticipacion.
Si nos tur sigui e recomendacionnan y tambe percura pa e “check list” keda yena, e
Piscadonan lo tin un pesca mas sigur y famianan lo keda mas trankil momento cu nan
sernan keri sali bay lama. Ban pisca, pero cu siguridad den mente!
Scenario pa caso di emergencia cu piscado
Proceso # 1 (responsabilidad di piscado) Na momento di traha plan pa bay pisca, e
prome cos ta cu mester haci ta avisa su famia directo/bisiña. Den caso cu e piscado
ta biba su so, y mester avisa un bisiña of amistad. E informacion mester contene
informacion di un ehempel e luga di pisca of e area general na unda nan a bay pisca.
Ora bo ta sali bay pisca y ora cu bo tin planea di ta bek na pier. Si tin radio abordo,
tuma contacto via radio y duna bo GPS of sitio na APA.
Proceso # 2 Famia ta raporta piscado perdi na Kustwacht 913
Ta yama di biaha APA y Kustwacht y bati alarma pa cuminsa cu buskeda. Pa medio
di famia autoridad ta haya sa unda e locacion di piscadonan ta. Autoridad lo mantene
contacto cu famia pa duna informacion di e resultado di buskeda.
Aki e “checklist” ta hunga un rol importante y mas mihor esaki ta yena cada biaha
prome cu piscado sali, mas miho e buskeda lo bay. Ta urgi pa yena e formulario mas
completo y corecto posibel prome cu sali bay lama.
Proceduranan pa siguridad riba lama:
1: Prome cu bay lama
Check tempo, biento of otro caracteristicanan di lama. Por check cu otro·
piscado of meteo su website. www.meteo.aw
Yena e parti di e checklist cu informacion di e boto.·
Yena e informacion riba e checklist cu locacion nan di pisca y tambe luganan·
alternativa y specialmente laga informacion di con lo contact otro y orarionan
di sali y bolbe.
Tuma bo checklist y revisa e parti di ekiponan di seguridad cu ta recomenda y·
yena esunnan cu ta bay cu ne. Corda cu siguridad riba lama ta bo responsabilidad
y percura pa bo tin mas tur ta posibel cu bo. Tambe yena e checklist
honestamente. Percura pa por lo menos un persona competente y di confiansa tin e·
informacion of sa unda pa haya e checklist den caso di emergencia.
2: Esunnan den boto den caso di emergencia:
Semper percura pa un hende na tera sa unda bo ta pisca. Tin diferente·
tecnologia pa esaki pero ta importante pa mantene esnan cu a nota riba e
checklist. Si mester cambia di esunnan cu tin marca riba e checklist, anto mester
yama of notifica esun cu ta pending di e cambio.
Bati alarma, e prome cos cu bo tin cu haci ta notifica bo posicion y kico ta e·
problema. Tin diferente nivel di emergencia, dependiendo di e tempo cu bo tin
duna mas hopi informacion posibel.
3: Alarma di tera:
Contact autoridad. Kustwacht 913 ta e instancia central pa bay bati alarma. Por·
bati alarma na cualkier autoridad pero kustwacht ta esun central.
Kustwacht lo conduci e procedura segun nan proceduranan·
Mas informacion cu tin den e check list e ora mas miho pa e buskeda. Nan ta:·
o E prome informacion importante: duna e coordinada di e sitio di pisca.
Si bo no tin GPS, menciona e marca of area general di pisca.
o Nomber di e boto
o Number di registracion di directie scheepvaart
o Size di e boto
o Color di e boto, for di bista horizontal
o Ki color e boto tin? For di bista di ariba
o Cuanto motor e boto tin?
o Cual ta e marca di motor y su color?
o Ki ora nan a sali bay pisca?
o For di cual pier of unda mi boto ta mara?
o Cua canal di radio mi ta uza?
o Menciona e nomber di e piscado nan abordo di e boto:
o Si nos cambia di luga, lo mi raporta via radio na APA.
CHECKLIST PA BOTO DI PISCADO
Abordo di boto tin e siguiente ekipo di siguridad:
A) Salbabida abordo (cuanto)
B) Suficiente cabuya di anker
C) Cuanto gallon di awa abordo
D) Radio
E) Spiel pa duna señal
F) Compas
G) GPS
H) Fluit
I) First-Aid Kit
J) Sunblock
- K) Aparato pa paga candela
L) Tin flare abordo? Cuanto
M) Flashlight
N) Otro ekipo di siguridad
Departamento di Agricultura, Cria y Pesca Santa Rosa hunto cu su seccion di Pesca
ta haci un apelacion na tur Piscado pa ta mas estricto cu nan siguridad riba lama.
Percura pa semper prome cu bo sali cu bo boto subi lama grandi tira un bista kico falta
den bo boto cu kisas lo bo ta bay tin mester den caso di emergencia.
