Djabièrnè 14 di novèmber, alrededor di 7.50 or di anochi, un patruya a duna un baiskel eléktriko (fatbike) ku tabata kore riba Bulevar Gobernador N. Debrot, señal pa para. E baiskel tabata kore ku un velosidat notabelmente haltu, di kua e agentenan a disidí di hasi un kòntròl. Durante e kòntròl a resultá ku ta trata di un shofùr menor di edat. A transportá e baiskel pa warda di polis i ku yudansa di un ‘rollerbank’ a determiná ki velosidat e vehíkulo por a alkansá.
A resultá ku e baiskel eléktriko ta bai mas duru ku 30 km/ora. Esaki ta nifiká ku segun lei, ta konsiderá e vehíkulo komo un bròmer. Pa un bròmer, un plachi di number i seguro ta obligatorio, e shofùr mester tin un reibeweis òf pèrmit di bròmer i mester bisti hèlm.
Komo ku esaki no tabata e kaso, a duna e shofùr un but i a konfiská e baiskel eléktriko. Debí ku ta trata di un menor di edat, a invitá su mayornan pa un kombersashon na warda di polis.
Atvertensia:
Segun lei, por konsiderá un baiskel eléktriko (e-bike òf fatbike) komo un baiskel solamente ora e yudansa pa trapa (trapondersteuning) stòp na 25 km/ora i ora e no tin un tròt (gashendel). Si e vehíkulo ta kore mas duru ku yudansa, òf si e tin un tròt, e ta kai bou di e kategoria bròmer (bromfiets).
Esaki ta nifiká ku e shofùr tin e obligashon di:
– Tin un reibeweis (pèrmit di bròmer òf reibeweis B);
– Bisti un hèlm;
– Sòru pa e vehíkulo tin un plachi di numbert;
– I tin un seguro bálido.
Si un vehíkulo eléktriko no ta kumpli ku e rekisitonan legal aki, ta prohibí pa manehá esaki riba kaminda públiko.
Den e kaso aki, polis por aktua ku un but, un atvertensia (waarschuwing) òf, den kasonan serio, konfiskashon (inbeslagname).
Press release: Korps Politie Caribisch Nederland