Policial Featured Local

Polis cu buskeda pa un homber Britanico perdi


Dialuna merdia pa mas o menos 2:45 di atardi central di polis ta wordo informa door di un doño di un cas cu e ta huur cu un homber nacionalidad Britanico, cu yui di e homber a yama y informa cu dia 31 maart ultimo e tabata tin contacto cu su tata.

E tata lo a informa cu e lo bay cana banda di Kapel na Alto Vista. Despues di e dia aki e no a tende mas di su tata. Doño di cas a bay na e cas controla y no a topa cu e homber. Despues a bay busca banda di Kapel di Alto Vista na unda e la bin encontra cu e auto di e homber cu ta un KIA Sportage color shinishi.

A despacha patruya di Noord di biaha na e sitio na unda a cuminsa cu un buskeda. Helicopter di Polis tambe a yuda den e buskeda.

Recherche di Noord como tambe polis technico a yega na e sitio y cuminsa cu nan investigacion.

Despues di basta ora anochi a sera y na unda a stop cu e buskeda.

Ta trata di e homber Everard Edoo di 71 aña di edad cu nacionalidad Britanico.

Cuerpo Policial ta haci un apelacion na es cu sa algo of por a mira algo pa yama e tiplijn di polis cu ta 11141.

Related posts

Parlamentario Ricky Hoek (MEP): Parlamento Hubenil ta desaroya e hoben pa aporta na comunidad

EA News Author

Hibando un maneho pa reduci e transmicion di covid-19 Departamento di Salud Publico lo no tuma placa cash mas

EA News Author

Departamento di Salud Publico atravez di Seccion Cuido Salud Hubenil ta cumpli cu derecho di nos muchanan

EA News Author

Leave a Comment

Whatsapp Message