LocalFeatured

Polis di bario miho prepara pa e tematica di cacho

Polis Di Bario Miho Prepara Pa E Tematica Di Cacho.6

Na un manera profesional y tactico

Tarea di Polis no ta solamente combati criminalidad pero tambe e parti di proteha hende y bestia cu ta cay bao di tarea di Polis. Un ehempel bibo ta e cachonan sin doño cu ta biba riba caminda publico. E cachonan aki por causa peliger na nos ciudadano of deportisanan cu ta haci uzo di camindanan publico.

Den cuadro di esaki a prepara un curso special dirigi riba e tematica aki. E curso aki tabata dirigi tanto teoria pero tambe practica.  Polis di bario di cada districto a participa na e curso aki caminda den forma profesional y tactico a wordo entrena con pa atende cu casonan cu mester atende cu cacho. Durante dos siman largo a dedica hopi ora y traning con pa atende cu cacho. Na final di dia den presencia di Minister di Husticia Sr. Rocco Tjon, Sr. Silvio de Mey Hoofdinspecteur di Polis y Sra. Irene Croes, e Polisnan di bario a hayanan certificado.

Bao encargo di Sra. Irene Croes cu a studia ley tocante animal pero tambe proteccion di animal, a haci e parti di teoria. Alavez e curso practico a wordo duna pa e instructor certifica policial Sr. Coffie tambe agente policial Nicholson cu tin amplio experiencia cu cacho. Como cu Coffie y Nicholson ta polis e training a bay hopi mas facil pa e cursistanan compronde di e materia.

“Mi ta sumamente contento cu Polis di bari ta haya mas conocimento con pa por maneha un cacho riba camidna publico” tabata palabranan di Sr. Silvio de Mey, Hoofdinspecteur di Polis

E polisnan awor por atende e cachonan na un manera mas profesional sin cu ta haci daño na e cacho. Lo por recohenan na un manera tacto cu tanto e cacho no lo ricibi lesionan of e Polis haya mordi.

“Mi ta sumamente contento cu mi coleganan a haci e curso aki pa eleva nan conocimiento y expertiso den e area aki” tabata palabranan di altocomisario drs. Ramon ARNHEM.

Awor cu e certificado den e man di e Polis, comunidad por ta contento cu nos tin Polisnan bon entrena con pa atende cu diferente casonan di cacho.

Polis Di Bario Miho Prepara Pa E Tematica Di Cacho.5Polis Di Bario Miho Prepara Pa E Tematica Di Cacho.3Polis Di Bario Miho Prepara Pa E Tematica Di Cacho.2Polis Di Bario Miho Prepara Pa E Tematica Di Cacho.1Polis Di Bario Miho Prepara Pa E Tematica Di Cacho

Related posts

Director di SVB Edwin Jacobs: SVB ta cumpli cu pensioenadonan y ta paga pensioen di december y bonus di fin di aña

EA News Author

Animal Healt a sera aña cu hopi dicha y amor

EA News Author

En conexion cu dia internacional di hende muhe e aña aki e tema ta ‘Muhernan lider: Pa un futuro igual den un mundo di COVID- 19

EA News Author

Leave a Comment

Whatsapp Message