Santa Rosa ta anuncia nan Pop- up market cu lo tuma luga diasabra 30 di augustus den nan cunucu chabelita. E evento aki tin mas of menos 2 aña di existencia y e ta un exito total. E meta di e mercado aki ta specialmente pa apoya y yuda e agricultornan local logra bende nan producto.
Santa Rosa ta percura di acerca e productornan na Aruba y mira kico ta e producto cu nan tin disponibel y cu si nan ta cla pa por bende esaki cu e comunidad di Aruba. Tambe loke ta importante pa tene cuenta cu ne e temporada di plantacion tambe ta hunga un rol. Porehempel awo ta temporada di mango , casho y tambe kenepa.
Tin varios biaha caba cu ta organisa e pop-up market y a evalua e necesidadnan tambe. Segun vocero di Santa Rosa, e mercado di Santa Rosa ta hopi popular y ta trata di haci esaki dos bes pa aña a, pero e pop-up market ta trata pa tine tur luna.
